Віктар Міхайлавіч Анішчык

У Вікіпедыі ёсць артыкулы пра іншых людзей з прозвішчам Анішчык.

Віктар Міхайлавіч Анішчык (нар. 19 сакавіка 1945, г. п. Наваельня, Дзятлаўскі раён, Гродзенская вобласць) — беларускі фізік, доктар фізіка-матэматычных навук (1990), прафесар (1991). Член экспертнага савета ВАК, член вучоных саветаў БДУ, ІФТТ АН Беларусі.

Віктар Міхайлавіч Анішчык
Дата нараджэння	19 сакавіка 1945(1945-03-19) (80 гадоў)
Месца нараджэння	Наваельня, Дзятлаўскі раён, Баранавіцкая вобласць, Беларуская ССР, СССР
Грамадзянства	СССР  Беларусь
Род дзейнасці	фізік
Навуковая сфера	фізіка і матэматыка
Месца працы	фізічны факультэт БДУ
Навуковая ступень	доктар фізіка-матэматычных навук (1990)
Навуковае званне	прафесар (1991) акадэмік Беларускай інжынернай акадэміі (1999)
Альма-матар	фізічны факультэт БДУ (1967)
Прэміі	прэмія Нацыянальнай акадэміі навук Беларусі (2012)
Узнагароды	Выдатнік народнай адукацыі БССР[d] прэмія імя А. Н. Сеўчанкі (2015)

Біяграфія

У 1967 годзе скончыў фізічны факультэт БДУ і паступіў у аспірантуру пры кафедры фізікі цвёрдага цела. У 1971 годзе абараніў кандыдацкую дысертацыю. Стажыраваўся ў ЗША (1974) і Англіі (1982).

З 1990 па 2012 гады працаваў на пасадзе загадчыка кафедры фізікі цвёрдага цела, з 1997 па 2018 гады — дэканам фізічнага факультэта БДУ.

Навуковая дзейнасць

З’яўляецца аўтарам і сааўтарам больш за 400 публікацый, у тым ліку 7 манаграфій, 5 навучальных дапаможнікаў, 9 вынаходстваў. Падрыхтаваў 15 кандыдатаў і 3 дактароў фізіка-матэматычных навук.

Сярод апублікаваных прац:

• Инновационная деятельность: слов.-справ. / В. М. Анищик, А. В. Русецкий, Н. К. Толочко; под ред. Н. К. Толочко — Минск : Изд. центр БГУ, 2006. — 175 с. — ISBN 985-476-400-1;

Узнагароды

За навуковую і грамадскую дзейнасць узнагароджаны знакам «Выдатнік народнай адукацыі», з’яўляецца членам Пятроўскай акадэміі навук і мастацтваў (1994), членам Міжнароднай акадэміі навук Еўразіі (1997), прысвоена званне «Заслужаны дзеяч навукі Рэспублікі Беларусь» (1998), сябра Беларускай інжынернай акадэміі (1999), заслужаны работнік Беларускага дзяржаўнага ўніверсітэта (2011). Узнагароджаны прэміямі Нацыянальных акадэмій навук Беларусі, Украіны і Малдовы (2012), прэміяй імя А. Н. Сеўчанкі (2015)^[1]. У 2021 годзе ўзнагароджаны медалём Францыска Скарыны^[2].

Зноскі

1. У Дзятлаўскі гісторыка-краязнаўчы музей завітаў Віктар Анішчык (нявызн.)(недаступная спасылка). Архівавана з першакрыніцы 23 верасня 2022. Праверана 23 верасня 2022.
2. Указ Прэзідэнта Рэспублікі Беларусь ад 19 кастрычніка 2021 г. № 410 (нявызн.)(недаступная спасылка). Архівавана з першакрыніцы 12 чэрвеня 2022. Праверана 5 кастрычніка 2022.