Віктар Паўлавіч Андаралаў

Віктар Паўлавіч Андаралаў (нар. 1 снежня 1933, Полацк, Віцебская вобласць) — беларускі архітэктар.

Віктар Паўлавіч Андаралаў
Дата нараджэння	1 снежня 1933(1933-12-01) (91 год)
Месца нараджэння	Полацк, Полацкі раён, Беларуская ССР, СССР
Альма-матар	Брэсцкі інжынерна-будаўнічы інстытут (1976)
Месца працы	Віцебскграмадзянпраект[d] Архітэктурна-планіровачнае ўпраўленне выканаўчага камітэта Віцебскага гарадскога Савета народных дэпутатаў[d]
Партыя	КПСС
Член у	Саюз архітэктараў СССР

У Вікіпедыі ёсць артыкулы пра іншых людзей з прозвішчам Андаралаў.

Біяграфія

Скончыў у 1976 годзе Брэсцкі інжынерна-будаўнічы інстытут. Працаваў архітэктарам Расонскага раёна, старшым архітэктарам, кіраўніком сектара ў Віцебскграмадзянпраекце, з 1981 года — начальнік архітэктурна-планіровачнага ўпраўлення Віцебскага гарвыканкама, галоўны архітэктар Віцебска^[1].

Член Саюза архітэктараў СССР з 1980 года. Член КПСС з 1970 года. Пражывае ў Віцебску^[1].

Творчасць

Дом культуры будаўнікоў у Полацку

Праект гасцініцы ў Оршы (у сааўтарстве з У. Зубковым)

Асноўныя працы (у аўтарскім калектыве): клуб трэста «Полацксельбуд», прыбудова да будынка гаркама КПБ (1980) у Полацку, грамадска-гандлёвы цэнтр санаторыя «Вечалле» ва Ушачах (1981)^[1], жылы мікрараён Білева-1 (сааўтары Н. П. Жукоўская, Н. П. Пакоева), рэканструкцыя Віцебскага цэнтральнага спартыўнага комплекса (сааўтар А. А. Зафатаеў)^[2][3]. Аўтар артыкулаў па пытаннях сельскай архітэктуры^[1].

Сям’я

Мае сына Адрыяна Віктаравіча Андаралава, які таксама працуе архітэктарам.

Зноскі

1. Андаралов Виктор Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Жилые новостройки и микрорайоны Витебска (нявызн.)(недаступная спасылка). Архівавана з першакрыніцы 17 лютага 2020. Праверана 17 лютага 2020.
3. Витебская областная организация БСА