Вішнева (Валожынскі раён)

Ві́шнева^[2] (трансліт.: Višnieva, руск.: Вишнево) — аграгарадок у Валожынскім раёне Мінскай вобласці, у 18 км на захад ад Валожына, на левым беразе ракі Гальшанка. З'яўляецца цэнтрам Вішнеўскага сельсавета.

Аграгарадок Вішнева Касцёл Найсвяцейшай Панны Марыі (1641) у Вішневе Краіна Беларусь Вобласць Мінская Раён Валожынскі Сельсавет Вішнеўскі Каардынаты 54°08′ пн. ш. 26°14′ у. д.HGЯO Вышыня цэнтра 250 м і 158 м[1] Насельніцтва ▼417 чал. (2009) Часавы пояс UTC+3 Тэлефонны код +375 1772 Паштовы індэкс 222343 Аўтамабільны код 5 СААТА 6220813026 Вішнева на карце Беларусі ±

Вішнева на Вікісховішчы

У паняцця ёсць і іншыя значэнні, гл. Вішнева.

Гісторыя

Дзедзічам (асобай, якая валодала мясцовасцю па спадчыне) Вішнева на рацэ Альшанцы 29 кастрычніка 1447 года названы Пётр Сенька Гедыгольдавіч^[3].

У часы Рэчы Паспалітай мястэчка знаходзілася ў Ашмянскім павеце Віленскага ваяводства.

У час Першай сусветнай вайны праз Вішнева праходзіла ўмацаваная нямецкая лінія абароны. Жыхары былі выселены, мястэчка знішчана артылерыяй да апошняй хаты. Знамянальна, што ў касцёл і царкву, пабудаваных на самых высокіх месцах, не трапіў ніводзін снарад.

Польская школа ў Вішневе, 1939

У 1921—1939 гадах мястэчка ўваходзіла ў Польскую Рэспубліку, у Валожынскі павет Навагрудскага ваяводства, з'яўлялася цэнтрам гміны. У ноч з 18 на 19 ліпеня 1924 года на мястэчка здзейсніла грабежніцкі напад бальшавіцкая дыверсійная група.^[4]

Колькасць насельніцтва гэтага мястэчка складала ў 1907 годзе 2650 жыхароў, з якіх 1863 — яўрэі. Асноўная частка іх пазней эмігравала альбо была знішчаная нацыстамі, якія 30 жніўня 1942 года забілі 1100 яўрэяў. Пра гэту трагедыю нагадвае мемарыяльны камень.

Славутасці

• Касцёл Адведзін Найсвяцейшай Дзевы Марыі (1637—1641)
• Могілкі яўрэйскія
• Могілкі старыя хрысціянскія
• Сядзіба Храптовічаў (пач. ХХ ст.)
• Царква Св. Казьмы і Дзям'яна (1865)

Вядомыя ўраджэнцы

• Нахум Гольдман — грамадскі дзеяч, адзін з лідараў сіянісцкага руху, заснавальнік і старшыня Сусветнага яўрэйскага кангрэса.
• Уладзіслава Луцэвіч — беларуская літаратуразнаўца, жонка Янкі Купалы.
• Шымон Перэс — вядомы ізраільскі палітык, прэзідэнт Ізраіля і лаўрэат Нобелеўскай прэміі міру 1994 года. З'ехаў з Вішнева са сваёй сям'ёй у 1934 годзе.
• Юрый Храптовіч — дзяржаўны дзеяч Вялікага Княства Літоўскага, кашталян смаленскі і жамойцкі, ваявода парнаўскі і новагародскі.

Вядомыя жыхары

• Сымон Будны — дзеяч беларускай культуры, гуманіст, філосаф, асветнік, гісторык Вялікага Княства Літоўскага. Актыўны ўдзельнік рэфармацыйнага руху, адзін з заснавальнікаў навуковай крытыкі Бібліі.
• Канстанцыя Буйло — беларуская паэтэса.
• Уладзіслаў Чарняўскі — каталіцкі святар, перакладчык Бібліі і Катэхізіса на беларускую мову.

Зноскі

1. GeoNames — 2005. Праверана 9 ліпеня 2017.

   <a href='https://wikidata.org/wiki/Track:Q830106'></a>
2. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
3. Ліцкевіч 2013, с. 48..
4. Robert Litwiński, Kontrola granicy wschodniej przez Policję Państwową w okresie międzywojennym, referat na posiedzenie Komisji Historycznej OL PAN Архівавана 7 верасня 2008. (польск.)