Галеніт

Галені́т — мінерал, сульфід свінцу (II). Хімічная формула PbS. Сінонімы: свінцовы блішчак^[2], свінцовы бляск.

Галеніт
Формула	PbS
Прымесь	Ag, Cd, Se, Cu, Zn, Sb
Статус IMA	grandfathered mineral (G)[d][1]
Фізічныя ўласцівасці
Колер	Свінцова-шэры
Колер рысы	Шэра-чорная
Бляск	Металічны
Празрыстасць	Непразрысты
Цвёрдасць	2,5
Спайнасць	Дасканалая па {111}
Шчыльнасць	7,2—7,6 г/см³
Сінгонія	Кубічная сінгонія
Медыяфайлы на Вікісховішчы

Змяшчае каля 86,6 % свінцу. Часта змяшчае прымесі срэбра, кадмію, селену, вісмуту, волава, медзі, цынку і інш. Утварае свінцова-шэрыя крышталі і агрэгаты. Цвёрдасць 2—3 па шкале Моаса. Шчыльнасць 7,4—7,6 г/см³. Крохкі. Колер сталёвы, шэры з блакітнаватым адлівам, часам прысутнічае пярэстая пабегласць, бляск металічны, злом ступеньчаты, далікатны. Спайнасць дасканалая па кубе. Утварае кубічныя, кубаактаэдрычныя, радзей актаэдрычныя крышталі і суцэльныя масы. Электраправодны^[2].

Паходжанне і радовішчы

Радовішчы гідратэрмальныя і метасаматычныя ў ЗША, Расіі і інш. Сустракаецца ў асацыяцыі з бурнанітам^[3]. На тэрыторыі Беларусі сустракаецца ў крышталічных фундаментах і пародах дэвону і карбону^[2].

Руда на свінец і серабро^[2].

Зноскі

1. International Mineralogical Association - Commission on new minerals, nomenclature and classification The IMA List of Minerals (September 2019) — 2019.

   <a href='https://wikidata.org/wiki/Track:Q68325088'></a><a href='https://wikidata.org/wiki/Track:Q26224004'></a>
2. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4.
3. Бурнонит // Минералы и месторождения России и стран ближнего зарубежья (руск.)