Галіна Васільеўна Філіповіч

Галі́на Васі́льеўна Філіпо́віч (12 лістапада 1966, в. Судавіца, Светлагорскі раён, Гомельская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V і VI скліканняў.

Галіна Васільеўна Філіповіч
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Нараджэнне	12 лістапада 1966(1966-11-12) (58 гадоў) Судавіца, Казлоўскі сельсавет, Светлагорскі раён, Гомельская вобласць, Беларуская ССР, СССР
Член у	Беларускі саюз жанчын
Адукацыя	Гомельскі дзяржаўны ўніверсітэт імя Францыска Скарыны Акадэмія кіравання пры Прэзідэнце Рэспублікі Беларусь
Узнагароды	Медаль «За працоўныя заслугі»

У Вікіпедыі ёсць артыкулы пра іншых людзей з прозвішчам Філіповіч.

Біяграфія

Нарадзілася 12 лістапада 1966 года ў в. Судавіца Светлагорскага раёна Гомельскай вобласці.

Скончыла Гомельскі дзяржаўны ўніверсітэт імя Ф. Скарыны, педагог, матэматык; Акадэмію кіравання пры Прэзідэнце Рэспублікі Беларусь, спецыяліст у галіне дзяржаўнага і мясцовага кіравання.

Працавала загадчыкам Новагалоўчыцкага дзіцячага сада; настаўнікам Новагалоўчыцкай сярэдняй школы Петрыкаўскага раёна Гомельскай вобласці; настаўнікам, дырэктарам Чыркавіцкай сярэдняй школы Светлагорскага раёна Гомельскай вобласці; намеснікам загадчыка па вучэбна-выхаваўчай рабоце аддзела адукацыі Светлагорскага раённага выканаўчага камітэта; загадчыкам гарадскога вучэбна-метадычнага кабінета аддзела адукацыі Светлагорскага гарадскога выканаўчага камітэта; начальнікам аддзела адукацыі Светлагорскага раённага выканаўчага камітэта; старшынёй Светлагорскага раённага Савета дэпутатаў.

З'яўлялася дэпутатам Светлагорскага раённага Савета дэпутатаў дваццаць трэцяга, дваццаць чацвёртага, дваццаць пятага і дваццаць шостага скліканняў, дэпутатам Гомельскага абласнога Савета дэпутатаў дваццаць шостага склікання.

Узначальвае раённую арганізацыю грамадскага аб'яднання «Беларускі саюз жанчын».

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання. З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання.

Узнагароды

Узнагароджаная медалём «За працоўныя заслугі»^[1].

Асабістае жыццё

Мае дзвюх дачок.

Зноскі

1. Указ Прэзідэнта Рэспублікі Беларусь № 462 «Аб узнагароджанні» (нявызн.)(недаступная спасылка). Афіцыйны інтэрнэт-партал Прэзідэнта Рэспублікі Беларусь (26 лістапада 2018). Архівавана з першакрыніцы 22 снежня 2018. Праверана 28 лістапада 2018.