Гамарбія

Гамарбія^[1], Хама́рбія^[2] (Hammārbya) — манатыпны род кветкавых раслін сямейства Архідныя (Orchidaceae).

Гамарбія
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Эпідэндравыя Трыба:  Malaxideae Род:  Гамарбія
Міжнародная навуковая назва
Hammarbya Kuntze, 1891
Адзіны від
Hammarbya paludosa (L.) Kuntze, 1891 — Гамарбія балотная
Сістэматыка на Віківідах Выявы на Вікісховішчы NCBI   1155242 EOL   108000 GRIN   g:14745 IPNI   29627-1 TPL   kew-96077

Апісанне

Шматгадовая травяністая расліна вышынёй 6—20 см. Карэнішча ніткападобнае, клубень яйкападобны, які прылягае да асновы. Лісце сабрана ў ніжняй частцы сцябла, эліптычнае, з уздуццем у пазусе верхняга ліста. Суквецце — шматкветкавая гронка. Кветкі жаўтлява-зялёныя. Цвіце ў ліпені—жніўні. Плод — каробачка. Каробачкі эліпсоідныя, 4 × 2 мм. 2n=28^[3][4][5].

Распаўсюджанне і экалогія

Від распаўсюджаны на Скандынаўскім паўвостраве, Атлантычнай i Цэнтральнай Еўропе, Міжземнамор’і, Сібіры.

Сустракаецца ў Еўропе, Японіі, Паўночнай Амерыцы.

Гэты від звычайна расце на адкрытых кіслых сфагнавых балотах, таксама ў вельмі вільготных лясах, і зрэдку па краях ручаёў, на тарфяных балотах і сярод траў^[6].

Пагрозы і ахова

Асноўнымі пагрозамі для віду з'яўляюцца высечка лесу, здабыча торфу і асушэнне водна-балотных угоддзяў. Асабліва пад пагрозай від у Еўропе^[6].

Занесена ў Чырвоныя кнігі шэрагу суб’ектаў Расійскай Федэрацыі і ў Чырвоную кнігу Украіны (1996).

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 62. — 160 с. — 2 350 экз.
2. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
3. Hammarbya paludosa (нявызн.). Das nationale Daten- und Informationszentrum der Schweizer Flora. Архівавана з першакрыніцы 24 вересня 2021. Праверана 24.09.2021. (ням.)
4. Hammarbya paludosa (нявызн.). Flora of North America. efloras.org. Архівавана з першакрыніцы 17 серпня 2021. Праверана 24.09.2021. (англ.)
5. Червона книга України
6. Hammarbya paludosa (нявызн.). The IUCN (7 кастрычніка 2017). Архівавана з першакрыніцы 6 серпня 2021. Праверана 4.09.2021. (англ.)