Ганна Аляксееўна Новік

У Вікіпедыі ёсць артыкулы пра іншых людзей з прозвішчам Новік.

Ганна Аляксееўна Новік (25 сакавіка 1914, Аўгустоў — 1997, Вілейка) — беларуская паэтэса, удзельніца нацыянальна-вызваленчага руху ў Заходняй Беларусі на Вілейшчыне.

Ганна Новік
Ганна Аляксееўна Новік
Асабістыя звесткі
Дата нараджэння	25 сакавіка 1914(1914-03-25)
Месца нараджэння	Аўгустоў, Аўгустоўскі павет[d], Сувалкаўская губерня, Варшаўскае генерал-губернатарства, Расійская імперыя
Дата смерці	1997
Месца смерці	Вілейка, Вілейскі раён, Мінская вобласць, Беларусь
Пахаванне	Вілейка
Грамадзянства	Беларусь
Прафесійная дзейнасць
Род дзейнасці	празаік, паэт
Гады творчасці	1925—1996
Мова твораў	беларуская
Узнагароды

Біяграфічныя звесткі

Нарадзілася ў Аўгустове, цяпер Польшча, у сям’і выхадцаў з Вілейшчыны. Бацька паходзіў з вёскі Варонічы, маці — з вёскі Іжа. З пачаткам Першай сусветнай вайны бацькі вяртаюцца на Вілейшчыну.

Вучылася ў польскай школе. Працавала ў бацькавай кузні. Вывучылася на краўца.

У юнацтве прымае ўдзел у жыцці Куранецкага беларускага падполля. За падпольную дзейнасць і спробу пераходу ў Савецкі Саюз трапляе за краты Вілейскай турмы амаль на тры гады ^[1]. У 1939 — дэпутат уз’яднальнага Народнага Сходу ў Беластоку. Працавала інспектарам Куранецкага раёна.

У часе Вялікай Айчыннай вайны — партызаніла. Нарадзіла і страціла дачку.

Пасля вайны нараджаецца сын. У 1949 — памірае муж.

Ад 1948 — старшыня калгаса ў Варонічах, старшыня сельсавета, працуе намеснікам начальніка палітаддзела МТС у Крывіцкім раёне. Па стане здароўя вяртаецца ў Варонічы.

Амаль усё жыццё пражыла ў Варонічых. Памерла ў Вілейцы ў 1997 годзе. Пахаваная на Вілейскіх гарадскіх могілках каля вёскі Снежкава.

Творчасць

Вершы на польскай мове пачала друкаваць пяцікласніцай у 1925 годзе ў часопісе вілейскага інспектарата школ.

Пасля вайны друкавалася ў «Полымі»^[1], у мясцовым друку.

У 1960 прынята ў Саюз пісьменнікаў.

Максім Танк лічыў Ганну Новік і яе творчасць несправядліва забытымі.^[2],^[3].

Ушанаванне памяці

Вілейскай раённай цэнтральнай бібліятэцы прысвоена імя Ганны Новік.^[4]

Бібліяграфія

• Мае вёсны. Мн., 1961.
• Другая сустрэча. Фрагменты аповесці, «Полымя»", 1979.
• Мая Вілейшчына. Выбранае. Мн., 1996.
• Барвовае лісце. Вілейка, 2005.

Зноскі

1. «Рэгіянальная газета», № 12 (465), 19 сакавіка 2004
2. Мікола Мікуліч: Азораны талент. Памяці Максіма Танка // «Наша слова», 5 жніўня 2015 года, № 31, стар. 2
3. Мікола Мікуліч: Азораны талент. Памяці Максіма Танка // Сайт pawet.net
4. Вілейка. Раённай цэнтральнай бібліятэцы прысвоена імя паэткі Ганны Новік Архівавана 5 сакавіка 2016. «Рэгіянальная газета»