Ганна (Люблінскае ваяводства)

Га́нна^[1] (польск.: Hanna) — вёска ў Польшчы, на рацэ Ганцы, за 19 км на поўнач ад Уладавы і за 83 км на паўночны ўсход ад Любліна. Уваходзіць у склад Уладаўскага павета Люблінскага ваяводства, сядзіба вясковай гміны Ганна.

Вёска
Ганна
польск.: Hanna
Былая ўніяцкая царква
Герб
51°43′00″ пн. ш. 23°30′00″ у. д.HGЯO
Краіна	Польшча
Ваяводства	Люблінскае
Павет	Уладаўскі
Гміна	Ганна
Гісторыя і геаграфія
Першае згадванне	1546
Часавы пояс	UTC+1, летам UTC+2
Насельніцтва
Насельніцтва	719 чалавек (2011)
Лічбавыя ідэнтыфікатары
Паштовы індэкс	22-220
Аўтамабільны код	LWL
Іншае
0012180
Паказаць/схаваць карты
Ганна Ганна
Медыяфайлы на Вікісховішчы

У паняцця ёсць і іншыя значэнні, гл. Ганна (значэнні).

Назва

Паводле мясцовага падання, сваю назву вёска атрымала ад імя каралевы і вялікай княгіні Ганны, якая тут спынялася ў час падарожжа на Русь.

Гісторыя

Вялікае Княства Літоўскае

Першы пісьмовы ўспамін пра Ганну датуецца 1546 годам, калі Багдан Багавіцін надаў ёй магдэбургскае права. Згодна з адміністрацыйна-тэрытарыяльнай рэформай 1565—1566 гадоў мястэчка ўвайшло ў Берасцейскі павет Берасцейскага ваяводства.

У XVII стагоддзе Ганна ўвайшла ў склад Нясвіжскай ардынацыі князёў Радзівілаў. У 1739 годзе тут была пабудавана царква, фундаваная ў 1750 годзе Геранімам Фларыянам Радзівілам.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Ганна апынулася ў складзе Расійскай імперыі, ва Уладаўскім павеце Сядлецкай губерні. Гэта адарвала мястэчка ад губерняў з пераважна беларускім насельніцтвам. 20 сакавіка 1821 года расійскія ўлады панізілі афіцыйны статус мястэчка да вёскі^[2]. На 1827 год тут было 73 будынкі.

У часы Першай сусветнай вайны ў 1915 годзе Ганну занялі нямецкія войскі.

Найноўшы час

Згодна з Рыжскім мірным дагаворам 1921 года Ганна апынулася ў складзе міжваеннай Польскай Рэспублікі. З пачаткам Другой сусветнай вайны ў 1939 годзе Ганну занялі войскі Трэцяга Рэйха.

У 1944 годзе Ганну занялі савецкія войскі, пасля чаго яе зноў перадалі Польшчы.

Насельніцтва

• XIX стагоддзе: 1827 год — 427 чал.^[3]
• XXI стагоддзе: 2011 год — 719 чал.

Славутасці

• Царква Святых Апосталаў Пятра і Паўла (1739)

Галерэя

• Краявіды Ганны
• 
  Царква да рэканструкцыі
• 
  Званіца пры царкве
• 
  Капліца пры царкве
• 
  Могілкавая капліца

Зноскі

1. Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.
2. Rodecki F.B. Obraz jeograficzno-statystyczny Królestwa Polskiego. — Warszawa: Drukarnia Antoniego Gałęzowskiego i Kompanii, 1830.
3. Kraszewski K. Hanna // Słownik geograficzny Królestwa Polskiego i innych krajów słowiańskich. Tom III: Haag — Kępy (польск.). — Warszawa, 1882. S. 27.