Гваздзік травянка

Гваздзік травянка^[1] (Dianthus deltoides) — від кветкавых раслін сямейства Гваздзіковыя (Caryophyllaceae).

Гваздзік травянка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Caryophylleae Род:  Гваздзік Від:  Гваздзік травянка
Міжнародная навуковая назва
Dianthus deltoides L., 1753
Сінонімы
Caryophyllus deltoides Moench Caryophyllus glaucus Moench Cylichnanthus deltoides Dulac Dianthus albus Schkuhr ex Steud. Dianthus crenatus Gilib. nom. inval. Dianthus endressii Zahlbr. ex Conrath Dianthus glaucus L. Dianthus supinus Lam. Dianthus volgensis Ser.
Сістэматыка на Віківідах Выявы на Вікісховішчы ITIS   20278 NCBI   202448 EOL   587228 GRIN   t:13829 IPNI   302054-2 TPL   kew-2764144

Назва

Гваздзік травянка, сардэчнік, сярдзечнік^[2], іскра, некерко^[3], іскаркі, палявыя слёзкі^[3][4], махрэ^[5][6].

Апісанне

Шматгадовая шызаватая або зялёная травяністая расліна. Мае тонкае паўзучае карэнішча, якое ўтварае дзярнінкі з кветканосных і бясплодных парасткаў. Сцябло ўзыходзячае, з кароткім шурпатым апушэннем, 10—40 см вышынёй. Лісце супраціўнае, па краях і сярэдняй жылцы пакрыта жорсткім апушэннем, тупое; ніжняе — падоўжана лапаткападобнае, верхняе — лінейнае. Кветкі правільныя, двухполыя, адзінкавыя, радзей — па дзве — тры, 5-пялёсткавыя. Пялёсткі зубчастыя, чырвоныя, з кольцам пурпуровых плям. Плод — каробачка. Цвіце ў чэрвені — верасні. Утварае натуральныя гібрыды з гваздзіком барадатым (Dianthus barbatus)^[7].

Распаўсюджанне

Натуральна гваздзік травянка расце на лугах Еўропы і Заходняй Азіі^[8][9][10]. Расце па ўсёй тэрыторыі Украіны ў змешаных лясах, на лугах, лясных палянах і ўзлесках. Як садовая расліна вырошчваецца па ўсім свеце. Інтрадукаваны ў Паўночнай Амерыцы^[11].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 45. — 160 с. — 2 350 экз.
2. Federowski M. Lud Bialoruski na Rusi litewskiej. Krakow, I, 1897
3. Анненков Н.  (руск.) Ботанический словарь, Спб, 1878
4. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
5. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927.
6. Шатэрнік М. В. Краёвы слоўнік Чэрвеньшчыны. Мінск, 1929.
7. Bleeker, W., U. Schmitz, and M. Ristow. 2007. Interspecific hybridisation between alien and native plant species in Germany and its consequences for native biodiversity. Biol. Conserv. 137:248-253. DOI: 10.1016/j.biocon.2007.02.004
8. Den Virtuella Floran: Dianthus deltoides (in Swedish, with maps)
9. Flora Europaea: Dianthus deltoides
10. Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
11. USDA Plants Profile