Геконавыя

Геконавыя, або ўчэпістапальцыя (Gekkonidae) — сямейства яшчарак.

Геконавыя
Гекон Phelsuma laticauda
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Паўзуны Падклас:  Дыяпсіды Інфраклас:  Лепідазаўраморфы Надатрад:  Лепідазаўры Атрад:  Лускаватыя Інфраатрад:  Gekkota Надсямейства:  Gekkomorpha Сямейства:  Геконавыя
Міжнародная навуковая назва
Gekkonidae J. E. Gray, 1825
Сістэматыка на Віківідах Выявы на Вікісховішчы ITIS   174034 NCBI   8561 EOL   1715 FW   37899

Апісанне

Даўжыня 3,5—35 см. Афарбоўка шэрая або карычневая, сярод трапічных відаў — яркаафарбаваныя. Вочы вялікія, звычайна без павек, з вертыкальнай зрэнкай. Пальцы растапыраныя, знізу ўкрытыя рагавымі пласцінкамі, якія дазваляюць перамяшчацца па вертыкальных паверхнях. Хвост ломкі, але хутка аднаўляецца (рэгенеруе).

Пашырэнне

У сусветнай фаўне каля 80 родаў, больш як 900 відаў. Выкапнёвыя рэшткі вядомы з эацэну.

Жывуць пераважна ў трапічных, субтрапічных, часткова ўмераных зонах. Большасць трымаецца на дрэвах, скалах, абрывах і інш. Селяцца ў дамах. Пустынныя віды звычайна рыюць норкі. Змрокавыя і начныя жывёлы. Найбольш вядомыя прадстаўнікі родаў геконы, гекончыкі і эўблефары, якія жывуць пераважна на Каўказе і Крыме, у пустынях і паўпустынях Казахстана, Сярэдняй Азіі.

Асаблівасці біялогіі

Кормяцца насякомымі, павукападобнымі, мнаганожкамі і інш. Многія выдаюць ціхія гукі. Амаль усе — яйцакладныя (у клад­цы 1–2 яй­цы з цвёр­дай вапнавай абалонкай), ёсць яйцажывародныя.

Гл. таксама

• Phelsuma barbouri
• Phelsuma laticauda

Літаратура

• Геконавыя // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).