Гліцын

Гліцын (амінавоцатная кіслата, амінаэтанавая кіслата) — найпростая аліфатычная амінакіслата, адзіная амінакіслата, якая не мае аптычных ізамераў. Назва гліцыну паходзіць ад стар.-грэч. γλυκύς, glycis — салодкі, з-за саладкавага смаку амінакіслаты.

Гліцын
Агульныя
Хім. формула	C₂H₅NO₂
Тэрмічныя ўласцівасці
Класіфікацыя
Рэг. нумар CAS	56-40-6
PubChem	750; 5257127
Рэг. нумар EINECS	200-272-2
SMILES	C(C(=O)O)N
ChemSpider	730

Гэтак жа завецца лекавы прэпарат, які складаецца з гліцыну і дапаможных рэчываў (метылцэлюлоза водарастваральная, магнію стэарат). Гліцынам («глицин-фота», параоксіфенілгліцын) таксама часам называюць п-гідраксіфеніламінавоцатную кіслату, праяўляльнае рэчыва ў фатаграфіі.

Гліцын уваходзіць у склад бялкоў, клетачных абалонак бактэрый і інш. Сустракаецца ў жывых арганізмах у свабодным стане. Удзельнічае ў біясінтэзе пурынаў, крэатэіну, парфірынаў і інш. З’яўляецца крыніцай аміннага азоту ў рэакцыях пераамініравання.

Вытворнымі гліцыну з’яўляюцца гіпуравая, гліколевая кіслоты.

Гл. таксама

• Амінакіслоты
• Харчовыя дабаўкі
• Лекавыя прэпараты

Літаратура

• Биологический энциклопедический словарь / Гл. ред. М. С. Гиляров; Редкол.: А. А. Баев, Г. Г. Винберг, Г. А. Заварзин и др.. — 2-е изд., исправл.. — М.: Советская энциклопедия, 1989. — С. 142. — 864 с. — 150 600 экз. — ISBN 5-85270-002-9. (руск.)

Спасылкі

• Даведнік Відаль. Лекавыя прэпараты ў Расіі. Архівавана 6 верасня 2008.
• PDRHealth — Glycine (англ.)
• Computational Chemistry Wiki Архівавана 16 кастрычніка 2007. (англ.)
• Glycine cleavage system (англ.)