Грушаўка (Нараўлянскі раён)

У паняцця ёсць і іншыя значэнні, гл. Грушаўка.

Гру́шаўка^[1] (трансліт.: Hrušaŭka, руск.: Грушевка) — вёска ў Нараўлянскім раёне Гомельскай вобласці. Уваходзіць у склад Вербавіцкага сельсавета.

Вёска Грушаўка Краіна Беларусь Вобласць Гомельская Раён Нараўлянскі Сельсавет Вербавіцкі Каардынаты 51°40′25″ пн. ш. 29°25′26″ у. д.HGЯO Насельніцтва ▼158 чал. (2019) Часавы пояс UTC+3 Тэлефонны код +375 2355 Паштовыя індэксы 247819 Аўтамабільны код 3 СААТА 3238804056 Грушаўка Грушаўка

Грушаўка на Вікісховішчы

Гісторыя

фальварак і слабада Грушаўка на схематычным плане Рэчыцкага павета 1800 г.

Фальварак і слабада Грушаўка вядомыя з апошняй чвэрці XVIII ст. Прынамсі, у парэформенны перыяд сярод жыхароў паселішча пераважалі рыма‑каталікі паводле веравызнання. Грушаўка належала галоўчыцкім Горватам. У 1916 годзе жонкай Станіслава Горвата стала італьянская графіня Францішка Анэля Паўленс дэ ла Рохе. Яна загадала паставіць у Грушаўцы крыж, запрасіла біскупа асвяціць месца будучай капліцы. Пабудаваць капліцу да 1917 года не паспелі. Пры савецкай уладзе грушаўцы маліліся па хатах, ездзілі да касцёлу ў Жытомір, пасля сюды таемна наязджалі ксяндзы. Ацалеў стары крыж з касцяным Укрыжаваннем, што ставіла яшчэ пані Францішка Горват. Пад гэтым крыжам пачаліся адкрытыя маленні ў 1988 годзе. Затым быў узведзены касцёл Божае Міласэрнасці, на высокім пагорку пасярод вёскі^[2].

Да 26 сакавіка 1987 года вёска ўваходзіла ў склад Галоўчыцкага сельсавета^[3].