Гярбелевіцкі сельсавет

Гярбе́левіцкі сельсавет — былая адміністрацыйна-тэрытарыяльная адзінка ў складзе Дзятлаўскага раёна Гродзенскай вобласці. Цэнтр — вёска Мядзвінавічы.

Гярбелевіцкі сельсавет
Краіна	Беларусь
Уваходзіць у	Дзятлаўскі раён
Уключае	12 населеных пунктаў
Адміністрацыйны цэнтр	Гярбелевічы
Дата ўтварэння	16 ліпеня 1954
Дата скасавання	13 ліпеня 2007
Насельніцтва	2 135 чал. (1999)
Часавы пояс	UTC+03:00
Код аўтам. нумароў	4

Утвораны 16 ліпеня 1954 года ў складзе Казлоўшчынскага раёна Гродзенскай вобласці БССР шляхам аб’яднання скасаваных Малдавіцкага і Яварскага сельсаветаў, цэнтр — вёска Гярбелевічы^[1]. З 20 студзеня 1960 года ў складзе Дзятлаўскага раёна. З 25 снежня 1962 года ў складзе Слонімскага раёна. З 6 студзеня 1965 года ў складзе адноўленага Дзятлаўскага раёна. 7 кастрычніка 1977 года цэнтр сельсавета перанесены ў вёску Мядзвінавічы. У 1986 годзе скасавана вёска Мельнікі (злілася з вёскай Буйкі)^[2]. 13 ліпеня 2007 года скасаваны, тэрыторыя далучана да Вензавецкага сельсавета (вёскі Белякі, Буйкі, Сачыўляны, Сцяткоўшчына і Явар) і Казлоўшчынскага пассавета (вёскі Гярбелевічы, Лозкі, Лявонавічы, Малдавічы, Мядзвінавічы, Сверплевічы і Скіпоравічы)^[3].

На момант скасавання ў склад сельсавета ўваходзілі 12 населеных пунктаў.