Гіральд з Камбрыі

Гі́ральд з Камбрыі (лац.: Giraldus Cambrensis), або Ге́ральд дэ Бэры (фр.: Gerald de Barri; каля 1146 — каля 1223 гг.) — сярэднявечны валійскі і англійскі гісторык, асабісты святар караля Генрыха II.

Геральд з Камбрыі
Giraldus Cambrensis
Род дзейнасці	картограф, гісторык, пісьменнік, палітык, каталіцкі святар
Дата нараджэння	каля 1146
Месца нараджэння	Замак Мэнарбір[d], Мэнарбір[d], Пембрукшыр, Уэльс[1]
Дата смерці	не раней за 1220 і не пазней за 1223
Месца смерці	мерк. Херэфард[d], Графства Херэфардшыр, Заходні Мідленд[d], Англія[2]
Грамадзянства	Англія
Веравызнанне	Каталіцкая Царква[3]
Бацька	Вільям Фіц-Ода дэ Бэры[d][4]
Маці	Ангарада верх Нест[d][4]
Альма-матар	Парыжскі ўніверсітэт
Медыяфайлы на Вікісховішчы

Біяграфія

Геральд дэ Бэры нарадзіўся ў высакароднай валійсай сям’і нармандскага паходжання. У перапісцы з Інакенціям III сам называў сябе нашчадкам прынцаў уэльскіх^[5]. Навучаўся ў Парыжы, пасля чаго быў прызначаны асабістым пасланцам арцыбіскупа Кентэрберыйскага ва Уэльсе. У 1174 г. прызначаны архідыяканам Брэкана і такім чынам стаў другой асобай у каталіцкай царкве Англіі. Фактычна выконваў біскупскія абавязкі ў некалькіх парафіях. У 1184 г. атрымаў пасаду асабістага сакратара і святара караля Генрыха II. У 1185 г. суправаджаў прынца Джона ў Ірландыю. У 1196 г. пакінуў каралеўскую службу і жыў пры двары свайго сябра, плябана Лінкальнскага сабора, дзе мелася багатая бібліятэка. Імкнучыся атрымаць пасаду біскупа, тройчы наведваў Рым, аднак не атрымаў дазволу Інакенція III. Мяркуецца, што памёр у Херэфордзе, недалёка ад Уэльса, дзе і быў пахаваны.

Спадчына

Ужо пры жыцці Геральд дэ Бэры лічыўся таленавітым пісьменнікам. Пісаў на лацінскай мове. Аўтар 4 агіяграфічных і схаластычных прац. Аднак найбольшую славутасць маюць яго сачыненні, прысвечаныя Ірландыі і Уэльсу, — «Апісанне Гібернікі» (1188 г.), «Наступ на Гіберніку», «Вандроўка па Камбрыі» (1191 г.) і «Апісанне Камбрыі» (1194 г.)^[6]. Апісаў культуру і гісторыю кельцкіх народаў. Прыйшоў да высновы, што кельцкія мовы маюць адзінае паходжанне з французскай і лацінскай. Выступаў за самастойнасць царквы Уэльса ад царквы Англіі, але захоўваў лаяльнасць да англійскіх каралёў.

Спіс прац

• Topographia Hibernica (1188 г.)
• Expugnatio Hibernica
• Itinerarium Cambriae (1191 г.)
• Descriptio Cambriae (1194 г.)
• De instructione principis
• De rebus a se gestis
• De Menevensi ecclesia dialogus
• Gemma ecclesiastica Textus
• Speculum ecclesiae
• Symbolum electorum
• Invectionum libellus
• De invectionibus
• Vita sancti Hugonis
• De vita Galfridi archiepiscopi Eboracensis
• Vita sancti Ethelberti
• Vita sancti Remigii
• Vita sancti David

Зноскі

1. Dictionary of Welsh Biography, Y Bywgraffiadur Cymreig — 1997.

   <a href='https://wikidata.org/wiki/Track:Q5273977'></a>
2. Oxford Dictionary of National Biography / C. Matthew — Oxford: OUP, 2004.

   <a href='https://wikidata.org/wiki/Track:Q17565097'></a><a href='https://wikidata.org/wiki/Track:Q5145336'></a><a href='https://wikidata.org/wiki/Track:Q34217'></a><a href='https://wikidata.org/wiki/Track:Q217595'></a>
3. Catholic-Hierarchy.org — USA: 1990. Праверана 12 кастрычніка 2021.

   <a href='https://wikidata.org/wiki/Track:Q30'></a><a href='https://wikidata.org/wiki/Track:Q3892772'></a>
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
5. Gerald of Wales, The Itinerary of Archbishop Baldwin through Wales
6. Gerald of Wales