Бадзяк балотны

Бадзя́к балотны^[1][2] (Cirsium palustre) — від кветкавых травяністых раслін роду Бадзяк (Cirsium) сямейства Астравыя (Asteraceae).

Бадзяк балотны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Род:  Бадзяк Від:  Бадзяк балотны
Міжнародная навуковая назва
Cirsium palustre (L.) Scop., 1772
Сістэматыка на Віківідах Выявы на Вікісховішчы ITIS   36394 NCBI   143190 EOL   468314 IPNI   195790-1 TPL   gcc-14233

Апісанне

Двухгадовая расліна вышынёй 50—150 см. Сцябло прамастойнае, крылатае, павуцініста-шарсцістае, крылы з калючкамі па краі. Ніжняе лісце чаранковае, астатняе — сядзячае, зверху голае, знізу апушанае, па краях з шыпікамі.

Кветкавыя кошыкі.

Кветкавыя кошыкі малінавыя, зрэдку белыя, сядзячыя або на кароткіх кветаножках, скучаны клубочкамі на краях сцябла і галінак. Абгортка павуцініста-апушаная, смаліста-ліпкая, з калючкамі. Сямянка белая або пурпуровая.

Распаўсюджанне і экалогія

Расце на балотах, сырых лугах, сярод хмызняку, па берагах вадаёмаў, на пустках, высечках, каля дарог. На тэрыторыі Беларусі цвіце ў чэрвені—ліпені. Пустазелле лугоў, пагаршае якасць сена. Сявятлолюбівая расліна, мезафіт, гіграфіт, мезатроф^[3].