Добрушскія ельнікі

Добрушскія ельнікі — батанічны помнік прыроды рэспубліканскага значэння ў Добрушскім раёне Гомельскай вобласці. Размешчаны за 1,5 км на паўднёвы ўсход ад в. Чыстыя Лужы і за 15 км на паўночны ўсход ад г. Добруша па трасе Гомель-Бранск, на тэрыторыі Раманавіцкага і Добрушскага лясніцтваў Гомельскага лясгаса^[1]. Астраўныя ельнікі: 2 участкі чарнічнага i 3 кіслічнага тыпаў, пераважае хуткарослая карпацкая раса елкі еўрапейскай. Плошча ельнікаў складае 30,8 га. Узрост дрэў 60—100 гадоў, вышыня да 35 м, дыяметр 0,3—0,5 м (1983). Унікальныя астраўныя месцы росту елкі на поўдзень ад мяжы яе суцэльнага пашырэння^[2]. Ахоўны статус нададзены 27 снежня 1963 года^[1].

Добрушскія ельнікі
Катэгорыя МСАП — III (Помнік прыроды)
Размяшчэнне	Беларусь, Раманавіцкае і Добрушскае лясніцтвы, Добрушскі раён, Гомельская вобласць
Дата заснавання	1963

Зноскі

1. Помнікі прыроды рэспубліканскага значэння Гомельскай вобласці станам на 01.01.2014 г. (нявызн.)(недаступная спасылка). Архівавана з першакрыніцы 11 ліпеня 2017. Праверана 10 снежня 2016.
2. Добрушскія ельнікі // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.