Дразафілы

Дразафі́лы (Drosophila) — род насякомых сямейства пладовых мушак атрада двухкрылых.

Дразафілы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Без рангу:  Antliophora Атрад:  Двухкрылыя Падатрад:  Караткавусыя Інфраатрад:  Muscomorpha Надсямейства:  Ephydroidea Сямейства:  Пладовыя мушкі Падсямейства:  Drosophilinae Род:  Дразафілы
Міжнародная навуковая назва
Drosophila Fallén, 1823
Сістэматыка на Віківідах Выявы на Вікісховішчы ITIS   146212 NCBI   7215 EOL   46807741 FW   139428

Апісанне

Цела даўжынёй 2—4,5 мм, стракатае, матавае або бліскучае, жаўтаватае, жаўтлява-карычневае ці амаль чорнае; брушка нярэдка з цёмнымі плямамі або палосамі, галава жоўтая. Крылы празрыстыя, часта з зацемненымі папярочнымі жылкамі, радзей з цёмнымі плямамі. Вочы ярка-чырвоныя. Дразафілы валодаюць каляровым зрокам.

Пашырэнне

Адрозніваецца звыш 1000 відаў. Пашыраны ўсюды, больш шматлікія ў тропіках і субтропіках (напр., на Гавайскіх астравах больш за 300 відаў). Трапляюцца на кветках, часта на дрэвавых соках, вінных і фруктовых заводах, у памяшканнях для агародніны і садавіны. Найбольш вядомая дразафіла звычайная, або пладовая мушка (Drosophila melanogaster). На Беларусі адзначана каля 30 відаў.

Асаблівасці біялогіі

Жывяцца сокам раслін, прадуктамі гніення агародніны і садавіны. Лёгка разводзяцца ў лабараторных умовах, аб’ект генетычных даследаванняў.

У самцоў даволі складаныя шлюбыя паводзіны, якія ўключаюць шлюбныя тан­цы і «пес­ні» (са­мец віб­рыру­е крыламі, выдаючы спецыфічныя гукі).

Лічынкі развіваюцца на субстратах расліннага паходжання. Жыццёвы цыкл кароткі (у некаторых відаў ад яйца да мухі каля 10 дзён).

Літаратура

• Дразафілы // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

Памылка Lua у Модуль:External_links на радку 45: assign to undeclared variable 'link'.