Дубраўскі сельсавет (Шчучынскі раён)

У паняцця ёсць і іншыя значэнні, гл. Дубраўскі сельсавет.

Ду́браўскі сельсавет — былая адміністрацыйна-тэрытарыяльная адзінка ў складзе Шчучынскага раёна Гродзенскай вобласці. Цэнтр — вёска Дубрава.

Дубраўскі сельсавет
Краіна	Беларуская ССР
Уваходзіў у	Жалудоцкі раён
Адміністрацыйны цэнтр	Дубрава
Дата ўтварэння	12 кастрычніка 1940
Дата скасавання	17 студзеня 1969

Утвораны 12 кастрычніка 1940 года ў складзе Жалудоцкага раёна Баранавіцкай вобласці БССР. З 20 верасня 1944 года ў складзе Гродзенскай вобласці. 5 чэрвеня 1959 года ў склад Вангеўскага сельсавета перададзены 4 населеныя пункты (Карытніца, Красачкі, Мажэвічы і Шаўдзіны)^[1]. З 17 красавіка 1962 года сельсавет у складзе Шчучынскага раёна. 17 студзеня 1969 года скасаваны, населеныя пункты перададзены ў адміністрацыйнае падпарадкаванне Жалудоцкага пассавета^[2].