Жарушнік балотны

Жару́шнік балотны^[1] (Rorippa palustris) — від кветкавых раслін з роду Жарушнік (Rorippa) сямейства Капуставыя (Brassicaceae).

Жарушнік балотны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Cardamineae Род:  Жарушнік Від:  Жарушнік балотны
Міжнародная навуковая назва
Rorippa palustris (L.) Besser, 1822
Сістэматыка на Віківідах Выявы на Вікісховішчы ITIS   23006 NCBI   50498 EOL   583935 GRIN   t:316809 IPNI   90720-3 TPL   kew-2417173

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Шматгадовая травяністая расліна вышынёй 20—70 (да 100) см. Сцябло адно ці некалькі, прамастойнае або прыўзнятае, галінастае. Лісце чаргаванае. Ніжняе лісце лірападобнай формы, на чаранках, верхняе — перыста-рассечанае, з вушкамі каля асновы, сядзячае. Кветкі дробныя, светла-жоўтага колеру. Пялёсткі кветак (4)^[2] аднаго памеру з чашалісцікамі. Плод — стручок, злёгку сагнуты, часам амаль шарападобнай формы.

Распаўсюджанне і экалогія

Від распаўсюджаны на тэрыторыі Еўразіі, Афрыкі (Егіпет, Эфіопія), Паўночнай Амерыкі, на Кубе і Гаіці^[3]. Натуралізаваўся ў Новай Зеландыі і Паўднёвай Амерыкі^[3]. Расце на балотах, па берагах вадаёмаў, у прыбярэжных і пойменных хмызняках, на ўзлесках і забалочаных лугах, пустках, каля дарог^[2]. Цвіце ў чэрвені—верасні. Святлолюбівая расліна, але добра пераносіць цень. Гіграфіт і эўтроф^[2].

Лекавая расліна^[2].

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Жерушник болотный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Germplasm Resources Information Network (GRIN-Taxonomy) (англ.)