Жаўтушнік выгрызены

Жаўту́шнік выгрызены^[1] (Erysimum repandum) — від кветкавых раслін з роду Жаўтушнік (Erysimum) сямейства Капуставыя (Brassicaceae).

Жаўтушнік выгрызены
Батанічная ілюстрацыя Якаба Штурма з кнігі «Deutschlands Flora in Abbildungen», 1796
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Erysimeae Род:  Жаўтушнік Від:  Жаўтушнік выгрызены
Міжнародная навуковая назва
Erysimum repandum L., 1753
Сінонімы
Гл. у тэксце
Сістэматыка на Віківідах Выявы на Вікісховішчы ITIS   22947 NCBI   369001 EOL   584499 GRIN   t:105480 IPNI   324654-2 TPL   kew-2800426

Батанічнае апісанне

Агульны выгляд расліны

Аднагадовая травяністая расліна вышынёй 15—40^[1] см з прамастойным, галінастым, апушаным сцяблом. Лісце простае, суцэльнае, чаргаванае і ў прыкаранёвай разетцы. Прыкаранёвае лісце стругападобнай формы, сцябловае — вузкаланцэтнае, выемчаста-зубчастае па краі. Кветкі жоўтага колеру, з чатырма пялёсткамі. Плод — стручок цыліндрычнай формы, 5—8 см у даўжыню, на тоўстай пладаножцы.

Распаўсюджанне і экалогія

Від распаўсюджаны на тэрыторыі ўмераных і трапічных зон Еўразіі^[2]. Натуралізаваўся на тэрыторыі Аўстраліі, Паўночнай Амерыкі і ў Аргенціне^[2].

Расце на сухіх лугах і камяністых россыпах, у горных стэпах, на пашах, агародах, аблогах і пустках, каля дарог. Цвіце ў маі—чэрвені. Святлолюбівая расліна, ксерафіт, мезафіт і мезатроф^[3].

Сінонімы

• Cheiranthus ramosissimus Lam.
• Cheirinia repanda (L.) Link
• Crucifera repanda E.H.L.Krause
• Erysimum comperianum Czern. ex Turcz.
• Erysimum patens Loscos
• Erysimum ramosissimum Crantz
• Erysimum rigidum DC.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Taxon: Erysimum repandum L. // Germplasm Resources Information Network (GRIN-Taxonomy) (англ.)
3. Желтушник выгрызенный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)