Жэпа

Жэпа (сербахарв.: Жепа, Žepa) — невялікі населены пункт ва ўсходняй частцы Рэспублікі Сербскай у супольнасці Рагаціца.

Мястэчка
Жэпа
сербахарв.: Жепа, Žepa
43°56′02″ пн. ш. 19°10′08″ у. д.HGЯO
Краіна	БіГ
Гісторыя і геаграфія
Першае згадванне	1485
Вышыня цэнтра	590 м
Часавы пояс	UTC+1
Насельніцтва
Насельніцтва	2 441 чал. (1991)
Афіцыйная мова	сербская мова
Лічбавыя ідэнтыфікатары
Тэлефонны код	38
Паказаць/схаваць карты
Жэпа
Медыяфайлы на Вікісховішчы

У 1991 годзе колькасць насельніцтва Жэпы складала 2 441 чалавек — з іх 2330 баснякоў (95 %), 103 сербаў і 8 іншых югаславаў.

Геаграфія

Жэпа размешчана на паўночны ўсход ад Рагаціцы, на паўднёвы захад ад Срэбраніцы і на паўночны захад ад Вішаграда. Горад знаходзіцца на рэчцы Жэпе, якая ўпадае ў Дрыну, у даліне паміж гарамі Явар і Дэветак.

Гісторыя

Падчас Баснійскай вайны (1992—1995) Жэпа разам са Срэбраніцай і Гораждзе з’яўлялася адным з трох баснійскіх анклаваў ва ўсходняй Босніі, абложаных сербамі.

Камандуючым 285-й брыгадай, дыслакаванай у Жэпе, быў палкоўнік Аўда Паліч. У красавіку 1993 года Жэпа была абвешчаная «бяспечным раёнам», і ў ёй размясціўся атрад украінскіх міратворцаў. 25 ліпеня 1995 года ў ходзе аперацыі «Ступчаніца 95» Войска Рэспублікі Сербскай блакавала і, пасля перамоваў з камандзірамі баснійцаў, заняло горад. Важную ролю ў мірнай эвакуацыі насельніцтва Жэпы адыграў удзел у перамовах прадстаўніка камандавання сіл ААН палкоўніка УС Украіны Мікалая Верхагляда^[uk][1]. У выніку дамоўленасцяў баснійскае насельніцтва пры дапамозе ўкраінскіх вайскоўцаў было эвакуявана з Жэпы ў Сараева^[2][3][4][5].