Зазерка

У паняцця ёсць і іншыя значэнні, гл. Зазерка (значэнні).

За́зерка^[1] (трансліт.: Zazierka; да 1930-х гг. — частка вёскі Зазе́р’е) — аграгарадок^[2] у Пухавіцкім раёне Мінскай вобласці Беларусі. Уваходзіць у склад Пярэжырскага сельсавета.

Аграгарадок Зазерка Краіна Беларусь Вобласць Мінская Раён Пухавіцкі Сельсавет Пярэжырскі Каардынаты 53°39′39″ пн. ш. 27°46′21″ у. д.HGЯO Ранейшыя назвы Зазер’е Насельніцтва ▲768 чал. (2019) Часавы пояс UTC+3 Тэлефонны код +375 1713 Паштовыя індэксы 222844 Аўтамабільны код 5 Зазерка на карце Беларусі ±

Зазерка на Вікісховішчы

Геаграфія

Месціцца за 43 км на паўночны захад ад раённага цэнтра Мар’іна Горка, 30 км ад Мінска, 0,5 км ад чыгуначных прыпыначных пунктаў Седча і Зазерка на лініі Мінск—Асіповічы.

Назва

Да 1930-х гадоў населены пункт называўся Зазер’е. Назва Зазерка дадзена як падобная да першаснай назвы і каб адрозніваць ад той часткі вёскі, якая захавала ранейшую назву. Назва паселішча паходзіць ад вялікага возера на поўнач ад вёскі^[3], якое было асушана каналамі ў XIX стагоддзі. На плане генеральнага межавання Ігуменскага павета 1797 года возера названа Пярэжырскім возерам^[4].

Гісторыя

Асноўны артыкул: Зазер’е (Пухавіцкі раён)

Населены пункт існаваў як вёска Зазер’е, аднак у 1930-я гады гэта частка была пераўтворана ў асобны населены пункт Зазерка. Назва Зазер’е захавалася за населеным пунктам, які ў ранейшыя часы быў маёнткам Зазер’е і меў значна менш двароў чым вёска, але разросся пасля Другой сусветнай вайны.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі. У ваколіцах вёскі дзейнічала савецкае падполле. У студзені 1943 года нямецкімі войскамі былі спалены 23 дамы, забіты 37 чалавек^[5].

Насельніцтва

• 1971 год — 184 двары, 528 жыхароў
• 1997 год — 244 двары, 625 жыхароў
• 2002 год — 221 двор, 579 жыхароў
• 2009 год — 663 жыхары
• 2019 год — 768 жыхароў^[6]

Інфраструктура

Дом у Зазерцы.

Ёсць аддзяленне сувязі, сярэдняя школа, дзіцячая музычная школа, сельская бібліятэка (з 1968), дом культуры, механічныя майстэрні, крамы, ветэрынарны пункт, амбулаторыя.

Каля вёскі праходзіць Мінскае аддзяленне Беларускай чыгункі Мінск — Гомель. Месціцца прыпыначны пункт Зазерка.

Вядомыя асобы

• Андрэй Луцэвіч (1919—1944) — удзельнік Другой сусветнай вайны, Герой Савецкага Саюза (1944).
• Рыгор Сачок (1939—2007) — вучоны ў галіне геалогіі і геаграфіі.
• Іна Прохарчык (нар. 1938) — вучоная, кандыдат сельскагаспадарчых навук.
• Андрэй Прохарчык (нар. 1928) — вучоны, пісьменнік, кандыдат сельскагаспадарчых навук.
• Галіна Лапатка (нар. 1940) — вучоная, кандыдат сельскагаспадарчых навук.

Славутасці

• Помнік загінулым у гады Другой сусветнай вайны^[7].