Захар Іванавіч Баркоўскі

У Вікіпедыі ёсць артыкулы пра іншых людзей з прозвішчам Баркоўскі.

Захар Іванавіч Баркоўскі (3 верасня 1911, в. Ліплянск, Сенненскі раён — 4 кастрычніка 1995) — Герой Сацыялістычнай Працы (1971). Заслужаны аграном БССР (1966). Кандыдат сельскагаспадарчых навук (1972). Удзельнік Вялікай Айчыннай вайны^[1].

Захар Іванавіч Баркоўскі
Дата нараджэння	3 верасня 1911(1911-09-03)
Месца нараджэння	Ліплянск, Сенненскі павет, Магілёўская губерня, Расійская імперыя
Дата смерці	4 кастрычніка 1995(1995-10-04) (84 гады)
Месца смерці	Вусце, Вусценскі сельсавет, Аршанскі раён, Віцебская вобласць, Беларусь
Грамадзянства	СССР
Род дзейнасці	аграном
Навуковая сфера	аграномія
Навуковая ступень	кандыдат сельскагаспадарчых навук
Альма-матар	Беларуская дзяржаўная сельскагаспадарчая акадэмія
Узнагароды

Біяграфія

Скончыў БСГА ў 1957 годзе. У 1934—1939 гг. аграном саўгаса «Побалова» Рагачоўскага раёна^[2]. З 1944 г. дырэктар эксперыментальнай базы «Вусце» Аршанскага раёна. Званне Героя прысвоена за поспехі ў развіцці сельскагаспадарчай вытворчасці^[1].

Узнагароды і памяць

Узнагароджаны ордэнамі Леніна, Айчыннай вайны 2-й ступені, Працоўнага Чырвонага Сцяга, медалямі, у тым ліку «За адвагу». На фасадзе адміністрацыйнага будынка эксперыментальнай базы «Вусце» ў 2011 годзе ў гонар З. І. Баркоўскага ўстаноўлена мемарыяльная дошка^[3].

Зноскі

1. Барковский Захар Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 41. — 737 с.
2. Баркоўскі Захар Іванавіч Архівавана 1 лютага 2014.
3. Баркоўскі Захар Іванавіч Архівавана 26 снежня 2013.