Зеландскі ярус

Зеландскі ярус (зеландый, зеланд) — стратыграфічнае падраздзяленне, сярэдні (другі) ярус палеацэнавага аддзела палеагенавай сістэмы кайназойскай эратэмы. Пароды зеландскага яруса ўтварыліся падчас зеландскага века, які ахоплівае час ад 61,6 млн год назад па 59,2 млн год назад^[1].

сістэма	аддзел	ярус	Узрост, млн гадоў назад
Неаген	Міяцэн	Аквітан	менш
Палеаген	Алігацэн	Хацкі	23,03—28,4
		Рупельскі	28,4—33,9
	Эацэн	Прыабонскі	33,9—37,2
		Бартонскі	37,2—40,4
		Лютэцкі	40,4—48,6
		Іпрскі	48,6—55,8
	Палеацэн	Танецкі	55,8—58,7
		Зеландскі	58,7—61,7
		Дацкі	61,7—65,5
Мел	Верхні	Маастрыхцкі	больш
Падзел палеагену прыведзены ў адпаведнасці з IUGS па стане на ліпень 2009 года

Адклады зеландскага яруса падсцілаюцца пародамі дацкага яруса, перакрываюцца адкладамі танецкага яруса палеацэнавага аддзела палеагенавай сістэмы кайназоя.

Упершыню вылучаны Альфрэдам Розэнкранцам у 1924 годзе. Назву атрымаў ад дацкага вострава Зеландыя.

На Беларусі зеландскаму ярусу адпавядаюць пароды сумской світы, якія прадстаўлены пераважна светла-шэрымі апокападобнымі алеўрытамі, пясчанікамі з апокавым цэментам, глаўканітава-кварцавымі пясчанікамі з дробнай галькай фасфарытаў.

Зноскі

1. Міжнародная стратыграфічная шкала (версія за студзень 2013) на сайце Міжнароднай камісіі па стратыграфіі