Зэльвенскі сельсавет

Зэ́львенскі сельсавет — адміністрацыйна-тэрытарыяльная адзінка ў складзе Зэльвенскага раёна Гродзенскай вобласці. Цэнтр — гарадскі пасёлак Зэльва (не ўваходзіць у склад).

Зэльвенскі сельсавет
Краіна	Беларусь
Уваходзіць у	Зэльвенскі раён
Уключае	14 населеных пунктаў
Адміністрацыйны цэнтр	Зэльва (не ўваходзіць у склад)
Дата ўтварэння	12 кастрычніка 1940
Насельніцтва (2019)	1 208
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года ў складзе Зэльвенскага раёна Баранавіцкай вобласці БССР. З 20 верасня 1944 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Бародзіцкага сельсавета^[1]. З 17 красавіка 1962 года па 6 студзеня 1965 года ў складзе Ваўкавыскага раёна, з 6 студзеня 1965 года па 30 ліпеня 1966 года ў складзе Мастоўскага раёна. У 1977 годзе ў склад Каралінскага сельсавета перададзены 4 населеныя пункты (вёскі Горна, Збляны, Лаўрыновічы і хутар Медухава)^[2]. 23 чэрвеня 1980 года ў склад Крамяніцкага сельсавета перададзены вёскі Аўдзеевічы, Вішнеўка, Забагонне, Мадзейкі, Пасуцічы, Савічы, Сухінічы^[3]. 25 лістапада 2004 года да сельсавета далучана частка скасаванага Ялуцавіцкага сельсавета (7 населеных пунктаў: Аўдзеевічы, Вішнеўка, Забагонне, Мадзейкі, Пасуцічы, Савічы, Сухінічы)^[4].

Насельніцтва сельсавета паводле перапісу 2009 года — 1615 чалавек^[5], з іх 67,2 % — беларусы, 25,6 % — палякі, 5,0 % — рускія, 1,6 % — украінцы^[6]; паводле перапісу 2019 года — 1208 чалавек^[7].