Зялёнка

У паняцця ёсць і іншыя значэнні, гл. Зялёнка, значэнні.

Зялёнка (Tricholoma equestre) — шапкавы базідыяльны грыб сямейства Радоўкавыя (Tricholoma).

Зялёнка
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Радоўкавыя Род:  Радоўка Від:  Зялёнка
Міжнародная навуковая назва
Tricholoma equestre (L.) P. Kumm.
Сістэматыка на Віківідах Выявы на Вікісховішчы NCBI   76322 EOL   134136 MB   176119

Апісанне

Пладовае цела грыба — шапка на ножцы. Шапка дыяметрам 3—10 см, пукатая, потым плоская, ліпкая, валакністая, жаўтавата-зялёная, у цэнтры бураватая, па краі звычайна растрэскваецца. Мякаць шчыльная, жаўтаватая, з прыемным смакам і мучным пахам. Гіменафор прырослы. Пласцінкі шырокія, выемчатыя, жаўтавата-зялёныя. Ножка цыліндрычная, суцэльная, падоўжана-валакністая, дробналускаватая, аднаго колеру з шапкай.

Арэал

Пашыраны ў Еўразіі і Паўночнай Амерыцы. На тэрыторыі Беларусі трапляецца ўсюды. Расце паасобку, часта вялікімі групамі^[1] ў сухіх хваёвых лясах на пясчанай глебе. Пладовыя целы з’яўляюцца ў верасні — кастрычніку^[1] (лістападзе).

Выкарыстанне

Ядомая (спажываецца свежая, марынаваная, салёная). У складзе грыба знойдзены антыкаагулянты^[2].

Зноскі

1. Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 79. — 192 с. — 60 000 экз.
2. Лекарственные растения и и их применение. Изд. 5-5, перераб. и доп. // «Наука и техника». — Мн., 1974. — 592 с. с ил. (АН БССР. Ин-т эксперим. ботаники им. В. Ф. Купревича)