Кадзя Маладоўскі

Ка́дзя Маладо́ўскі (Маладо́ўская) (індан.: קאַדיע מאָלאָדאָװסקי, англ.: Kadya Molodovsky; 10 мая 1894, Бяроза-Картузская — 23 сакавіка 1975) — яўрэйская пісьменніца, паэтка, драматург, літаратурны крытык з Беларусі. Пісала на ідыш.

Кадзя Маладоўскі
ідыш: קאַדיע מאָלאָדאָװסקי
Асабістыя звесткі
Псеўданімы	Ривке Зильберг
Дата нараджэння	10 мая 1894(1894-05-10)[1]
Месца нараджэння	Бяроза-Картузская, Пружанскі павет, Гродзенская губерня, Літоўскае генерал-губернатарства, Расійская імперыя
Дата смерці	23 сакавіка 1975(1975-03-23)[2] (80 гадоў)
Месца смерці	Філадэльфія, акруга Філадэльфія, Пенсільванія, ЗША
Грамадзянства	Польшча  Ізраіль  Расійская імперыя  ЗША
Прафесійная дзейнасць
Род дзейнасці	паэтка, пісьменніца, рэдактар, настаўніца
Гады творчасці	з 1920
Мова твораў	ідыш
Прэміі	Прэмія Іцыка Мангера[d] (1971)
Медыяфайлы на Вікісховішчы

Аўтарка перакладу на ідыш верша Самуіла Маршака «Багаж», у выданні 1945 года^[3] верш падпісаны «паводле С. Маршака» (ідыш: מאָטיװ פון ס. מאַרשאַק), аднак, таксама ёсць паданне, што Маладоўская была аўтаркай верша на ідыш, а Маршак пераклаў яго на рускую^[4].

Біяграфія

Нарадзілася ў сям'і Ісаака Маладоўскага і Ітке. Была другой з чатырох дзяцей; старэйшую сястру звалі Лена, малодшых брата і сястру — Дора (Добе) і Лейбл. Бацька Кадзі выкладаў у хедары, маці трымала краму суконных вырабаў, а пазней адкрыла фабрыку па вытворчасці жытняга квасу. ^[5]

Змалку вывучыла ідыш, іўрыт і рускую. Вучылася ў Варшаве, дзе ў 1921 годзе ўзяла шлюб з Львом Сімхам. У 1927 годзе выдала першую кніжку паэзіі «Kheshvendike Nekht».

У 1935 годзе разам з мужам эмігравала ў Нью-Ёрк, ЗША, дзе зарэгістравалася пад прозвішчам Маладоўскі. У 1948—1952 гадах сям’я жыла і працавала ў Тэль-Авіве.

У 1971 годзе за дасягненні ў паэзіі атрымала прэмію імя Іцыка Мангера, самую прэстыжную літаратурную ўзнагароду на ідышы.

Памерла ў доме для састарэлых у Філадэльфіі.

Зноскі

1. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
2. Bibliothèque nationale de France Qadye Molodowsqi // data.bnf.fr: платформа адкрытых даных — 2011.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
3. выданне 1945 года
4. К 50-летию со дня смерти Самуила Яковлевича Маршака (нявызн.). Российская национальная библиотека. Виртуальные выставки.
5. Kadya Molodowsky (англ.). Jewish Women's Archive. Праверана 13 студзеня 2025.