Казацкія Балсуны

Каза́цкія Балсуны́^[1] (трансліт.: Kazackija Balsuny, руск.: Казацкие Болсуны) — вёска ў Веткаўскім раёне Гомельскай вобласці. Уваходзіць у склад Вяліканямкоўскага сельсавета.

Вёска Казацкія Балсуны Краіна Беларусь Вобласць Гомельская Раён Веткаўскі Сельсавет Вяліканямкоўскі Каардынаты 52°55′29″ пн. ш. 31°20′56″ у. д.HGЯO Першая згадка 1667 Насельніцтва ▼84 чал. (2019) Часавы пояс UTC+3 Тэлефонны код +375 2330 Паштовыя індэксы 247143 Аўтамабільны код 3 СААТА 3208812016 Казацкія Балсуны на карце Беларусі ±

Гісторыя

Упершыню згадваюцца ў 1667 годзе ў Старадубскім павеце Смаленскага ваяводства ВКЛ. Пазней належаць да Старадубскага палка Гетманшчыны. З 1782 года вёска Суражскага павета Чарнігаўскай губерні Расійскай імперыі.

Увайшлі ў склад БССР. У 1926—1954 гадах цэнтр Казацка-Балсунскага сельсавета.

Насельніцтва

• 2010 год — 172 чал.^[2]
• 2019 год — 84 чал.

Культура

Святочны жаночы Казацка-Балсунскі (Чачэрскі) строй бытаваў у канцы XIX — пачатку ХХ стагоддзя на паўночным усходзе Гомельшчыны.

Абрад «Ваджэнне і пахаванне стралы» захаваў сакральную функцыю, якая звязана з захаванасцю сельскагаспадарчага ўкладу жыцця мясцовай супольнасці і з’яўляецца актуальным менавіта для вёскі Казацкія Балсуны, уключаны ў 2007 годзе ў спіс нематэрыяльнай культурнай спадчыны Беларусі^[3].