Казлабарод беларускі

Казлабаро́д беларускі^[1][2][3], казлабарод літоўскі (Tragopogon bjelorussicus)  — від кветкавых раслін роду Казлабарод (Tragopogon) сямейства Астравыя (Asteraceae).

Казлабарод беларускі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Scorzonerinae Род:  Казлабарод Від:  Казлабарод беларускі
Міжнародная навуковая назва
Tragopogon bjelorussicus Artemczuk, 1937
Сінонімы
Tragopogon flexuosus subsp. lithuanicus (DC.) C.Regel Tragopogon lithuanicus (DC.) Boriss.
Сістэматыка на Віківідах Выявы на Вікісховішчы EOL   6249174 IPNI   255953-1 TPL   gcc-104928

Батанічнае апісанне

Двухгадовая травяністая расліна вышынёй 15—30^[2] см. Сцябло прамастойнае, рабрыстае. Лісце простае, суцэльнае, з гладкім краем і завостранай верхавінкай, сядзячае, чаргаванае па даўжыні сцябла. Верхняе сцябловае лісце і сцябло голыя, толькі злёгку апушаныя ў пазухах лісця і пад кошыкамі кветак^[4]. Кветкавыя кошыкі жоўтага колеру. Плод — рабрыстая сямянка з доўгім носікам^[2].

Распаўсюджанне і экалогія

Распаўсюджаны на тэрыторыі Беларусі (басейн ракі Нёман у Гродзенскай вобласці^[4]), Літвы, Украіны^[5][6][7]. Святлолюбівая расліна, ксерафіт, мезафіт і мезатроф^[8]. Расце на пясчанай глебе ў лясах і на дзюнах у далінах рэк^[2]. Цвіце ў чэрвені—ліпені^[2].