Казлабарод

Казлабаро́д^[1][2] (Tragopogon) — род кветкавых раслін сямейства Астравыя (Asteraceae).

Казлабарод
Казлабарод парэялісты (Tragopogon porrifolius)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Scorzonerinae Род:  Казлабарод
Міжнародная навуковая назва
Tragopogon L. (1753)
Сістэматыка на Віківідах Выявы на Вікісховішчы ITIS   38563 NCBI   13730 EOL   49126 IPNI   30102386-2

Батанічнае апісанне

Шматгадовыя і двухгадовыя травяністыя расліны са стрыжнёвым карэнішчам і млечным сокам. Сцёблы простыя або разгалінаваныя, прамастойныя, вышынёй 25—80 см. Лісце чаргаванае, суцэльнае, лінейнае або ланцэтнае, сядзячае, з вострай верхавінкай. Кветкі пераважна жоўтага колеру, сабраныя ў кошыкі. Плод — сухая сямянка з чубком.

Распаўсюджанне

Расліны роду распаўсюджаны ў Міжземнамор’і, Паўночнай Афрыцы, Сярэдняй Азіі, на Каўказе, таксама на тэрыторыі Беларусі^[2]. Растуць на лугах, у хмызняках, каля дарог.

Гаспадарчае значэнне

Лекавыя, кармавыя, меданосныя і дэкаратыўныя расліны. Ядомыя. У каранях маецца інулін^[2].

Віды

Род налічвае больш за 100^[2] відаў (141 від^[3]). Сярод іх:

• Tragopogon bjelorussicus Artemczuk — Казлабарод беларускі
• Tragopogon dubius Scop. — Казлабарод няпэўны
• Tragopogon kemulariae Kuth. — Казлабарод Кемулярыі
• Tragopogon orientalis L. — Казлабарод усходні
• Tragopogon pratensis L. — Казлабарод лугавы, ці Казялок
• Tragopogon porrifolius L. — Казлабарод парэялісты
• Tragopogon ucrainicus Artemczuk — Казлабарод украінскі

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 131. — 160 с. — 2 350 экз.
2. Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7.
3. Tragopogon (англ.) // The Plant List