Казлабарод лугавы

Казлабаро́д лугавы^[1][2], казялок^[2] (Tragopogon pratensis) — від кветкавых раслін роду Казлабарод (Tragopogon) сямейства Астравыя (Asteraceae).

Казлабарод лугавы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Scorzonerinae Род:  Казлабарод Від:  Казлабарод лугавы
Міжнародная навуковая назва
Tragopogon pratensis L., Sp. Pl. 2: 789 (1753)
Сістэматыка на Віківідах Выявы на Вікісховішчы ITIS   38569 NCBI   41653 EOL   503271 GRIN   t:36818 IPNI   256112-1 TPL   gcc-36930

Батанічнае апісанне

Двухгадовая травяністая расліна вышынёй 30—60^[1] см. Звычайна павуцініста-лямцава апушаная, зрэдку голая^[3]. Сцябло галінастае, прамастойнае. Лісце чаргаванае па даўжыні сцябла і ў прыкаранёвай разетцы, простае, суцэльнае, сядзячае, з гладкім краем. Верхняе сцябловае лісце звычайна спіральна ці кольчата скручанае^[3]. Кветкі лімонна-жоўтага колеру. Суквецце — кошык дыяметрам да 5 см і болей. Краявыя кветкі аднолькавай або крыху меншай даўжыні за абгортку суквецця. Плод — сямянка бурага колеру.

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Арэал і экалогія

Расліна распаўсюджана на тэрыторыі Еўропы і ва ўмераных рэгіёнах Азіі^[4]. Натуралізавана ў Аўстраліі, Паўднёвай і Паўночнай Амерыцы^[4].

Святлолюбівая расліна, ксерафіт, мезафіт, мезатроф, эўтроф^[5]. Расце па берагах вадаёмаў, скалах, камяністых россыпах, лугах, палянах, пустках і лесасеках, на пашах і агародах, каля дарог.

Выкарыстанне

Лекавая расліна: мачагонны, антысептычны, процізапаленчы, ранагаючы і проціцынготны сродак^[1]. З лекавай мэтай выкарыстоўваюць карані, якія збіраюць ранняй вясной і ўвосень, млечны сок і лісце^[1]. Маладыя парасткі, лісце і карані казлабарода лугавога магчыма выкарыстоўваць у ежу^[6].