Казімір Канстанцін Плятэр

Казімір Канстанцін Плятэр (Броэль-Плятэр) (1749 — 4 жніўня 1807) — дзяржаўны дзеяч Вялікага Княства Літоўскага.

Казімір Канстанцін Плятэр
Kazimierz Konstanty Plater
Герб «Плятэр»
Падканцлер літоўскі 1793 — 1795
Папярэднік	Іахім Храптовіч
Пераемнік	пасада скасавана
Кашталян троцкі 1790 — 1793
Папярэднік	Тадэвуш Білевіч
Пераемнік	Юзаф Вінцэнт Плятэр
Нараджэнне	5 жніўня 1749(1749-08-05) Мендзырэч, Гміна Мяндзыжач, Мендзыжэцкі павет, Любушскае ваяводства, Польшча
Смерць	4 жніўня 1807(1807-08-04)[1][2] (57 гадоў) Новыя Даўгелішкі, Q9269609?, Свянцянскі павет, Літоўска-Віленская губерня, Расійская імперыя
Род	Плятэры
Бацька	Канстанцін Людвік Плятэр
Маці	Аўгуста з Агінскіх[d]
Жонка	Ізабела Людвіка з Борхаў[d]
Дзеці	Разалія з Плятэраў[d], Людвік Плятэр[d], Міхал Плятэр[d], Станіслаў Плятэр[d] і Канстанцін Плятэр[d]
Член у	Таргавіцкая канфедэрацыя
Узнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Плятэр.

Біяграфія

Сын Канстанціна Людвіка Плятэра, троцкага кашталяна, і Аўгусты Агінскай, дачкі троцкага ваяводы Юзафа Тадэвуша Агінскага.

У 1787 прызначаны абозным ВКЛ, але не прыняў пасады, кашталян троцкі ў 1790—1793, падканцлер ВКЛ з 1793; член Пастаяннай Рады ў 1776—1788 і 1793—1794.

Адзін з актыўных дзеячаў Таргавіцкай канфедэрацыі. У 1774 заснаваў у Кальніку родавую камандорыю Мальтыйскага ордэна.

Аўтар дзённікаў падарожжа караля Станіслава Аўгуста Панятоўскага ў Канеў на сустрэчу з Кацярынай II у 1787 і падарожжа ў Пецярбург у 1792 (выдадзены Ю. І. Крашэўскім у 1860 і 1859), публіцыстычных твораў.

Сям'я

Ажаніўся з Ізабеляй Людвікай Борх, дачкой вялікага кароннага канцлера Ян Анджэя Борха. У шлюбе нарадзіліся дзеці Людвік, Міхал, Канстанцін, Ян, Казімір, Станіслаў і Генрык. З іх Міхал, узяўшы шлюб з апошняй прадстаўніцай роду баронаў Зіберг цу Вішлінг (Ізабеляй Аленай), прыняў на сябе і нашчадкаў прозвішча Плятэр-Зіберг.

Зноскі

1. Kazimierz Konstanty Plater (Broel-Plater) // Internetowy Polski Słownik Biograficzny

   <a href='https://wikidata.org/wiki/Track:Q96022943'></a>
2. Senatorowie i dygnitarze Wielkiego Księstwa Litewskiego 1386—1795 / пад рэд. J. Wolff — Kraków: 1885. — С. 166.

   <a href='https://wikidata.org/wiki/Track:Q123243396'></a>