Казімір Францкевіч-Радзімінскі

Казімір Францкевіч-Радзімінскі (1 сакавіка 1638, Вільня — 23 жніўня 1694) — дзяржаўны дзеяч Вялікага Княства Літоўскага.

Казімір Францкевіч-Радзімінскі
Герб «Бродзіц»
Надворны падскарбі літоўскі 1689 — 1694
Папярэднік	Казімір Уладзіслаў Сапега
Пераемнік	Жыгімонт Віктар Дэнгаф
Нараджэнне	1 сакавіка 1638(1638-03-01)[1] Вільня, Віленскі павет, Віленскае ваяводства, Вялікае Княства Літоўскае
Смерць	23 жніўня 1694(1694-08-23) (56 гадоў)
Род	Францкевічы-Радзімінскія
Бацька	Міхал Францкевіч-Радзімінскі
Маці	Ганна Кляноўская
Жонка	Аляксандра з Нарушэвічаў

Біяграфія

Паходзіў са шляхецкага роду Францкевічаў-Радзімінскіх герба «Бродзіц». Сын Міхала, стольніка полацкага, і Ганны Кляноўскай.

Падчашы менскі, лідскі падкаморы з 1674 і староста з 1679, падскарбі надворны ВКЛ з 1689; маршалак Трыбуналу ВКЛ у 1682, 1688 і 1693; староста крэўскі.

Валодаў Жалудком, Ішчалнай, Нявішай, Галавічполем, Заполлем пад Лідай, дваром у Лідзе і іншымі добрамі. Заснаваў кляштар кармелітаў у Жалудку, базыльянскі манастыр ва Ушачах.

Сям’я

Быў жанаты з Аляксандрай, дачкой Яна Нарушэвіча. Памёр бяздзетным.