Каліёпа

У паняцця ёсць і іншыя значэнні, гл. Каліёпа (значэнні).

Каліё́па (стар.-грэч.: Καλλιόπη — «красамоўная») у старажытнагрэчаскай міфалогіі — муза эпічнай паэзіі^[1], навукі і філасофіі. Па этымалогіі Дыядора, атрымала імя ад выгуку цудоўнага слова (καλή і εὐέπεια)^[2].

Каліёпа (II ст. н.э., саркафаг з рымскага Via Ostiensis, цяпер у Луўры)

Старэйшая дачка Зеўса і Мнемасіны. Маці Арфея і Ліна ад Апалона (ці ад Эагра^[3]). Па адной з версій, маці Рэса^[4]. Па версіі, нарадзіла ад Апалона Гамера^[5]. Часам згадваецца як маці карыбантаў.

Па Гесіёду, выдаецца сярод музамі, ідзе за царамі^[6]. Яе згадваюць Алкман^[7], Стэсіхор^[8]. Да яе звяртаецца Вергілій^[9]. Дзіянісій Медны ў элегіях зваў паэзію «крыкам Каліёпы»^[10].

Малявалася з васковымі таблічкамі і стыласам (палачкай для пісьма). Шанавалася ў Локрах эпізефірскіх^[11].

Імем Каліёпы названы астэроід (22) Каліёпа, адкрыты ў 1852 годзе. Імем музы таксама названы музычны інструмент каліёпа

Зноскі

1. Мифы народов мира. М., 1991-92. В 2 т. Т.1. С.616
2. Дыядор Сіцылійскі. Гістарычная бібліятэка IV 7, 4
3. Псеўда-Апаладор. Міфалагічная бібліятэка I 3, 1
4. Псеўда-Апаладор. Міфалагічная бібліятэка I 3, 1-2.4
5. Лосев А. Ф. Мифология греков и римлян. М., 1996. С.526
6. Гесіёд. Тэагонія 79-80
7. Алкман, фр.27 Пейдж
8. Стэсіхор, фр.240 Пейдж
9. Вергілій. Энеіда IX 525—528
10. Арыстоцель. Рыторыка III 2
11. Піндар. Алімпійскія песні X 15