Камайка

У паняцця ёсць і іншыя значэнні, гл. Камайка (значэнні).

Кама́йка (літ.: Kamojà — рака ў Пастаўскім раёне Віцебскай вобласці Беларусі і ў Літве, правы прыток ракі Бірвета (басейн Заходняй Дзвіны).

Камайка
літ. Kamoja
Характарыстыка
Даўжыня	50 км
Басейн	306 км²
Вадацёк
Выток
• Каардынаты	55°03′45,50″ пн. ш. 26°34′39,40″ у. д.HGЯO
Вусце	Бірвета
• Каардынаты	55°18′11,70″ пн. ш. 26°40′27,30″ у. д.HGЯO
Размяшчэнне
Водная сістэма	Бірвета → Дзісна → Заходняя Дзвіна → Балтыйскае мора
Краіны	Беларусь  Літва
Рэгіён	Віцебская вобласць
выток вусце
выток вусце
Медыяфайлы на Вікісховішчы

Назва

Назва балцкага паходжання, адпачатная балцкая форма назвы захавалася ў літоўскім ужыванні як Kamojà.^{[крыніца не паказана 32 дні]}

Гідранімічныя аналагі — літоўскія рачныя назвы Kamė, Kamaja, Kamainė, Kamatė, Kamena, Kamužė, Kamža.^{[крыніца не паказана 32 дні]}

ГІдранімічны корань Kam- звязаны з літоўскім kamas «камяк, камок» (сціснуты кавалак)^[1]. Далей да індаеўрапейскага *kem- «сціскаць»^[2].

Балцкія водныя назвы на ўсходзе тыпу Жлобін, Горадзен (> Гараднічанка), Гамея (> Гамяюк), якія ўрэшце ўзыходзяць да каранёў *gleb(h)- «сціскаць», *gher(d)- «ахопліваць; агароджваць», *gem- «хапаць, сціскаць». Такія назвы адлюстроўваюць канфігурацыйныя асаблівасці адпаведнай ракі ці возера («акруглыя» азёры, рэкі, што «кружляюць»).^{[крыніца не паказана 32 дні]}

Пашыральнік -oj- вядомы ў літоўскім слова і назваўтварэнні: pupa «боб»  — pupojas «бабовае сцябло», aukštas «высокі» — Aukštojis (назва пагорка)^[3]. З іншым вакалізмам пашыральнік -j- у водных назвах тыпу Ілія, *Бабруя, Мярэя.^{[крыніца не паказана 32 дні]}

Значэнне назвы Камая́ (> Камайка) можна перадаць як «Звілістая (рака)».^{[крыніца не паказана 32 дні]}

Гідраграфія

Даўжыня 50 км. Плошча вадазбору 306 км². Сярэднегадавы расход вады ў вусці 2,5 м³/с, на мяжы Беларусі і Літвы — 1,67 м³/с. Сярэдні нахіл воднай паверхні 1,1 ‰. Выцякае з Вялікага Камайскага возера за 1 км на захад ад вёскі Камаі. Цячэ ў межах Свянцянскіх градаў і заходняй часткі Полацкай нізіны, праз азёры Вялікія і Малыя Сурвілішкі^[4], Свірас (у Літве). У басейне ракі возера Янкішкі. Даўжыня ў межах Беларусі 21 км, плошча вадазбору 205 км². Вусце за 2 км на паўднёвы ўсход ад вёскі Дзідзяселы Ігналінскага раёна. Рэчышча ў сярэднім цячэнні на Пастаўшчыне каналізаванае (1,5 км на паўднёвы захад ад вёскі Вілейты — мяжа з Літвой).