Канстанцін Мікалаевіч Бачароў

У Вікіпедыі ёсць артыкулы пра іншых людзей з прозвішчам Бачароў.

Канстанцін Мікалаевіч Бачароў (укр.: Костянти́н Микола́йович Бочаро́в; больш вядомы, як Mélovin; нар. 11 красавіка 1997, Адэса, Украіна) — украінскі спявак, пераможца шостага сезона ўкраінскага вакальнага шоу «X-Фактар», фіналіст Нацыянальнага адбору Украіны на 62-гі песенны конкурс «Еўрабачанне».

Канстанцін Бачароў
укр.: Костянтин Миколайович Бочаров
Асноўная інфармацыя
Поўнае імя	Канстанцін Мікалаевіч Бачароў
Дата нараджэння	11 красавіка 1997(1997-04-11)[1] (28 гадоў)
Месца нараджэння	Адэса, Адэская вобласць, Украіна
Краіна	Украіна
Альма-матар	Кіеўская муніцыпальная акадэмія музыкі імя Р. М. Гліера
Музычная дзейнасць
Прафесіі	аўтар-выканаўца, кампазітар, спявак
Гады актыўнасці	2015 — дагэтуль
Пеўчы голас	тэнар
Інструменты	фартэпіяна, гітара і вакал
Жанры	сінці-поп
Псеўданімы	Melovin (Nick Melovin)
Медыяфайлы на Вікісховішчы
melovinmusic.com

Жыццяпіс

Дзяцінства і юнацтва

Канстанцін нарадзіўся 11 красавіка 1997 года ў Адэсе ў сям’і Мікалая і Валянціны Бачаровых. З самага дзяцінства ён цікавіўся творчасцю, хоць і марыў быць цырульнікам, поварам або настаўнікам. У школе пастаянна рабіў пастаноўкі, арганізоўваў канцэрты, у якіх сам прымаў удзел^[2]. Таксама вучыўся ў музычнай школе, якую пасля пакінуў^[3].

2015—2016: «Х-фактар» і пачатак кар’еры

Канстанцін тройчы прымаў удзел у адборах да ўкраінскага вакальнага шоў «Х-фактар», але ні разу не трапляў на тэлевізійныя кастынгі^[4]. У шостым сезоне 2015 года ён, нарэшце, прайшоў да этапу праслухоўвання перад суддзямі, дзе пасля выканання песні «Без бою» групы «Акіян Эльзы» атрымаў пуцёўку ў трэніравальны лагер. Канстанцін з’явіўся ў прамых эфірах шоў і дайшоў да суперфіналу, у якім па выніках глядацкага галасавання стаў пераможцам^[5]. Падчас удзелу ў «Х-фактар» (шосты сезон) выконваў песні Стаса Шурынса, Тома Оделла, Адэль, Джамалы, Валерыя Меладзэ, Юрка Юрчанка і гуртоў «Акіян Эльзы», «Muse», «Pianoбой», «MBAND», «The Rasmus» і «Скрабін». Пасля перамогі разам з іншымі ўдзельнікамі шоу Канстанцін паехаў у канцэртны тур па Украіне.

Вонкавыя выявы
	Неардынарны сцэнічны імідж
	Пераможца Х-фактару
	Ўдзельнік фіналу Еўрабачання-2017 ад Украіны
	Эмоцыі падчас суперфіналу Х-фактару

2017: «Еўрабачанне»

У канцы 2016 года Канстанцін вырашыў прыняць удзел у нацыянальным адборы на 62-й песенны конкурс «Еўрабачанне». 17 студзеня 2017 года ў спісе паўфіналістаў было абвешчана і яго імя^[6]. Згодна з жараб’ёўкай 18 лютага 2017 года спявак выступіў у трэцім паўфінале, выканаў аўтарскую песню «Wonder». Па выніках галасавання гледачоў і журы, Канстанцін трапіў у фінал нацыянальнага адбору, дзе зноў атрымаў максімальны бал ад гледачоў. У выніку заняў трэцяе месца, саступіўшы спявачцы Tayanna і групе «O.Torvald».

Дыскаграфія

• Не одинокая (2016)
• На взлёт (2016)
• Wonder (2016)
• Unbroken (2017)
• Hooligan (2017)
• Шлях (2017)
• Світ в полонi (2017)
• Play This Life (2017)
• Face to face (2017)
• Under The Ladder (2018)
• That’s Your Role (2018)
• З тобою, зі мною, і годі (2018)
• Чудова мить (2018)
• Ты (2019)
• Ти (2019)
• Oh, No (2019)
• Expectations (2019)
• Your Entertainment (2019)
• Want You To Stay (2019)

Музычныя відэа

Год	Назва	Рэжысёр
2016	На взлёт	Аляксандр Танканог

Зноскі

1. Mélovin // https://pantheon.world/profile/person/Mélovin
2. (руск.) Победитель шоу «Х-фактор-6» Костя Бочаров откровенно о своих увлечениях, учебе, воспитании и желании стать артистом (нявызн.)(недаступная спасылка) (6 студзеня 2016). Архівавана з першакрыніцы 20 сакавіка 2019. Праверана 19 лютага 2017.
3. (руск.) Победитель "Х-фактора" Константин Бочаров: "Когда назвали мое имя, ноги подкосились, и я упал прямо на сцене" (нявызн.). Факты и комментарии (30 снежня 2015). Праверана 19 лютага 2017.
4. (руск.) Одессит Костя Бочаров: Пойти на «Х-фактор» меня вдохновила покойная бабушка (нявызн.) (6 снежня 2015). Праверана 19 лютага 2017.
5. (руск.) Х-фактор 6 сезон: Игорь Кондратюк о победе Кости Бочарова (нявызн.) (27 снежня 2015). Праверана 19 лютага 2017.
6. (укр.) Визначено імена півфіналістів Національного відбору на «Євробачення-2017» (нявызн.)(недаступная спасылка). СТБ (17 студзеня 2017). Архівавана з першакрыніцы 18 лютага 2017. Праверана 19 лютага 2017.