Канстанцін Мікалаевіч Кунцэвіч

Канстанцін Мікалаевіч Кунцэвіч (8 лютага 1951, в. Сурнаўка, Талачынскі раён, Віцебская вобласць — 2012) — беларускі вучоны. Кандыдат сацыялагічных навук (1980), доктар сацыялагічных навук (1994).

Канстанцін Кунцэвіч
Канстанцін Мікалаевіч Кунцэвіч
Дата нараджэння	8 лютага 1951(1951-02-08)
Месца нараджэння	Сурнаўка, Талачынскі сельсавет, Талачынскі раён, Віцебская вобласць, Беларуская ССР, СССР
Дата смерці	2012
Грамадзянства	Беларусь
Род дзейнасці	сацыёлаг
Месца працы	БДУ Мінскі інстытут кіравання Міжнародны інстытут кіравання і прадпрымальніцтва
Навуковая ступень	доктар сацыялагічных навук (1994)
Навуковае званне	прафесар
Альма-матар	ЛДУ (1977)

У Вікіпедыі ёсць артыкулы пра іншых людзей з прозвішчам Кунцэвіч.

Біяграфія

У 1969—1971 гадах служыў у Савецкай Арміі. У 1977 годзе скончыў Ленінградскі ўніверсітэт.

У 1981—2008 гадах працаваў у Беларускім дзяржаўным універсітэце, адначасова ў 1996—2009 гадах у Мінскім інстытуце кіравання.

З 2009 года — прафесар Інстытута кіравання і прадпрымальніцтва.

Навуковая дзейнасць

Навуковыя працы па праблемах лібералізму, канстытуцыйнага права, пытаннях консульскай дзейнасці.

З’яўляецца аўтарам больш за 40 публікацый навуковага і вучэбна-метадычнага характару, 6 манаграфій, 16 навучальных дапаможнікаў.

Сярод манаграфій: «Лібералізм: сутнасць, вытокі, перспектывы» (1993), «Параўнальнае канстытуцыйнае права» (1998), «Канстытуцыйнае права Рэспублікі Беларусь» (2000)^[1].

Зноскі

1. Кунцэвіч Канстанцін Мікалаевіч