Караль Францавіч Друцкі-Любецкі

У Вікіпедыі ёсць артыкулы пра іншых людзей з прозвішчам Друцкі-Любецкі.

Караль Францавіч Друцкі-Любецкі (польск.: Karol Józef Idzi Drucki-Lubecki; 24 кастрычніка 1777, Пагост — 13 лютага 1860, Варшава) — дзяржаўны службовец.

Караль Францавіч Друцкі-Любецкі
Друцк
Дэпутат шляхты Пінскага павета[d] 1801 — 1802
Маршалак шляхты Пінскага павета 1802 — 1811
Нараджэнне	24 кастрычніка 1777(1777-10-24) Пагост Загародскі, Пінскі павет, Берасцейскае ваяводства, Вялікае Княства Літоўскае
Смерць	13 лютага 1860(1860-02-13) (82 гады) Варшава, Царства Польскае, Расійская імперыя
Месца пахавання	Старыя Павонзкі
Род	Друцкія-Любецкія
Бацька	Францішак Друцкі-Любецкі
Маці	Генавефа з Алізар-Ваўчкевічаў[d]
Жонка	Німфа са Слізняў[d]

Біяграфія

Паходзіў з княжацкага роду Друцкіх-Любецкіх герба «Друцк». Сын Францішка Юзафавіча Друцкага-Любецкага, стольніка аршанскага, і Генавефы з Алізараў, дачкі кіеўскага стольніка^[1].

У 1801—1802 гадах дэпутат Мінскага ДДС ад Пінскага павета. У 1802—1811 гадах маршалак шляхты Пінскага павета^[1].

У выніку падзелу атрымаў фальваркі і вёскі Дабраслаўка, Пласкінь, Церабень, в. Ліпнікі Пінскага павета, маёнтак Бобр (з мястэчкам) Копыскага павета і 18170 злотых^[1].

Памёр 13 лютага 1860 года ў Варшаве. Пахаваны на Паванзкоўскіх могілках.

Сям’я

У шлюбе з Німфай са Слізняў^[1], дачкой Рафала і Тэклі Слізняў. Дзеці:

• Уладзімір Рафал (1808—1889);
• Зянон Віргіліюш Міхал (1810—1829);
• Грацыян Канстанты Ян (нар. 1812);
• Канстанты Юзаф Матэвуш (1813—1841), у шлюбе з Альбярцінай з Друкіх Любецкіх;
• Баляслаў Антоні (нар. 1815);
• Тэкля (1820—1892). У першым шлюбе з Уладзіславам Вадзіцкім (каля 1807—1890), у другім — з Міхалам Войцехам Збіеўскім (1821—1898).

Зноскі

1. Гербоўнік беларускай шляхты 2018, с. 548—549.