Каромысел

У паняцця ёсць і іншыя значэнні, гл. Каромысел (значэнні).

Каро́мысел, таксама каро́мысла — прылада, доўгая драўляная палка, простая ці выгнутая, з падвешанымі кручкамі або з выемкамі на канцах, каб пераносіць на плячах вёдры з вадой і іншыя грузы.

Жанчына з каромыслам, вёска Міластаў Ігуменскага павета. Фота Вячаслава Косткі, 1905 г.

Драўляны каромысел у Хайкоу, правінцыя Хайнань, Кітай.

У беларускіх гаворках таксама сустракаюцца назвы: насілы^[1], каромісла, кароміслы^[2], стальва́га^[3].

Каромысел па-ранейшаму шырока выкарыстоўваецца ва Усходняй Азіі, раней выкарыстоўваўся ў Еўропе і Заходнім свеце, у прыватнасці, даяркамі. Калісьці каромысел быў часткай еўрапейскай культуры, а потым быў прывезены ў Аўстралію^[4] і ЗША.

• Каромысел на старых здымках
• 
  Мужчына з каромыслам у Барунах, 1915—1918 гг.
• 
  Жанчына з каромыслам у Язвіне Бабруйскага павета. Фота І. Сербава, 1911 г.
• 
  Жанчына з каромыслам у Вялым. Фота Б. Тышкевіча, 1890-я гг.
• 
  Жанчына з каромыслам. Вялікія Заходы, Горацкі павет, Магілёўская губерня. Фота В. Косткі, 1903—1904 гг.