Вячаслаў Калістратавіч Костка

У Вікіпедыі ёсць артыкулы пра іншых людзей з прозвішчам Костка.

Вячаслаў Калістратавіч Костка (11 красавіка 1881(1881-04-11), Магілёў — невядома) — беларускі этнограф, фатограф.

Вячаслаў Калістратавіч Костка
Дата нараджэння	11 красавіка 1881(1881-04-11)
Месца нараджэння	Магілёў, Магілёўская губерня, Расійская імперыя
Дата смерці	невядома
Род дзейнасці	этнограф, фатограф
Месца працы	Расійскі этнаграфічны музей
Альма-матар	Імператарскі Санкт-Пецярбургскі ўніверсітэт[d]
Медыяфайлы на Вікісховішчы

Вучыўся ў Пецярбургскім універсітэце. Карэспандэнт этнаграфічнага аддзела Рускага музея ў Пецярбургу.

У 1903—1906 гадах праводзіў экспедыцыі ў Беларусі. У 1903 і 1904 — у Магілёўскай губерні. У 1905 — у Слуцкім і Ігуменскім паветах Мінскай губерні. Зрабіў больш за 50 фатаграфій. Сабраў калекцыю жаночых і мужчынскіх строяў, вышыўкі, тканін, інструментаў, начыння.

Сабраныя ім рэчы захоўваюцца ў Расійскім этнаграфічным музеі. Здымкі — у Музеі антрапалогіі і этнаграфіі, этнаграфічным музеі, Расійскай нацыянальнай бібліятэцы (2 альбомы ў аддзеле эстампаў). Копіі некаторых здымкаў ёсць у Інстытуце мастацтвазнаўства, этнаграфіі і фальклору Беларусі.

Фатаграфіі Косткі вельмі каштоўныя. Яны ахопліваюць вёскі Аўдакімавічы, Вялікія і Малыя Заходы (Горацкага павета), Бавынец, Грабянёва, Шапчыцы, Падліпцы, Капланцы і іншыя месцы. Ён звярнуў увагу на розныя спосабы завязваць намітку: па-шапчыцку і па-званецку. З каментарыя да здымкаў відаць, што намітка ў ваколіцах Рагачова ўжо адыходзіць, яе носяць толькі старыя ў дні царкоўных свят і зберагаюць для пахавання.

Здымкі часта друкавалі ў пасмяротных выданнях, не згадваючы аўтара.

Літаратура

• М. Н. Винникова. Значение полевых Материалов В. К. Костко для современных исследований в области традиционного белорусского костюма // Вещи. Экспедиции. Музеи. 2019. ISBN 978-5-88431-374-3

Спасылкі

• На Вікісховішчы ёсць медыяфайлы па тэме Вячаслаў Калістратавіч Костка
• Цыкл фатаграфій 1903 — Дапаможнік
• Кунсткамера