Касцёл Унебаўзяцця Найсвяцейшай Дзевы Марыі (Дзятлава)

Касцёл Унебаўзяцця Найсвяцейшай Дзевы Марыі — рымска-каталіцкі храм у горадзе Дзятлава Гродзенскай вобласці. Помнік архітэктуры ранняга барока (з рысамі рэнесансу) і віленскага барока.

Каталіцкі храм
Касцёл Ушэсця Найсвяцейшай Дзевы Марыі
53°27′55″ пн. ш. 25°24′17″ у. д.HGЯO
Краіна	Беларусь
Горад	Дзятлава
Канфесія	Каталіцтва
Епархія	Гродзенская дыяцэзія
Дэканат	Дзятлаўскі
Архітэктурны стыль	віленскае барока
Заснавальнік	Леў Іванавіч Сапега
Будаўніцтва	1624—1646 гады
Статус	Гісторыка-культурная каштоўнасць Беларусі, шыфр 412Г000231шыфр 412Г000231
Стан	дзйенічае
Медыяфайлы на Вікісховішчы

У паняцця ёсць і іншыя значэнні, гл. Касцёл Унебаўзяцця Найсвяцейшай Дзевы Марыі.

Храналогія

• 1624 — фундаваны ўладальнікам мястэчка Львом Сапегай.
• 1646 — змураваны канчаткова па фундацыі К. Л. Сапегі.
• 1743 — моцна пашкоджаны пажарам.
• 1743—1751 — адноўлены архітэктарам Аляксандрам Асікевічам, па фундацыі Мікалая Фаўстына Радзівіла.
• 1882 — пасля пажару заменены дах.
• 1900 — звонку касцёл абнесены мураванай сцяною з брамаю.

Архітэктура

Касцёл Найсвяцейшай Дзевы Марыі, выгляд збоку

Першапачатковы раннебарочны храм, які складаўся з аднанефнай залы-каталікону з далучаным да яе прэзбітэрыям з паўкруглай апсідай і дзвюма сакрысціямі па баках. Сцены каталікона ўмацаваны контрфорсамі, у чым можна бачыць праявы гатычнай традыцыі храмабудаўніцтва, рысы характэрнай для ранняга барока ВКЛ.

У сярэдзіне XVIII ст. храм быў перабудаваны ў стылі віленскага барока: з боку ўвахода былі збудаваныя дзве стромкія вежы, што надало галоўнаму фасаду надзвычайную ўзнёсласць.

У інтэр'еры зберагліся 7 алтароў 18 ст. ў стылі ракако.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5. — С. 198—199.
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 166. — 10 000 экз. — ISBN 985-11-0035-8. — ISBN 985-11-0106-0 (т. 6).
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл. — С. 169—170.
• Кулагін А. М. Каталіцкія храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мн.: БелЭн, 2001.— 216 с.: іл. ISBN 985-11-0199-0.
• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.
• Мураваныя харалы : Сакрал. архітэктура бел. барока / Т. В. Габрусь [Рэд. савет: Малашэвіч (старш.) і інш.; Маст.: Грынь І. А., Шафрановіч Л. С.; Натур. фатаздымкі: Габрусь Т. і інш.]. — Мінск: Ураджай, 2001. — 286 с.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 412Г000231

• На Вікісховішчы ёсць медыяфайлы па тэме Касцёл Унебаўзяцця Найсвяцейшай Дзевы Марыі (Дзятлава)
• Касцёл Унебаўзяцця Найсвяцейшай Дзевы Марыі (Дзятлава) на сайце Radzima.org
• Касцёл Унебаўзяцця Найсвяцейшай Дзевы Марыі (Дзятлава) на сайце Глобус Беларусі (руск.)
• Касцёл Унебаўзяцця Найсвяцейшай Дзевы Марыі (Дзятлава) на сайце Catholic.by (бел.)