Катловіца

Катло́віца^[1] (трансліт.: Katlovica, руск.: Котловица) — вёска ў Брагінскім раёне Гомельскай вобласці. Уваходзіць у склад Малейкаўскага сельсавета.

Вёска Катловіца Краіна Беларусь Вобласць Гомельская Раён Брагінскі Сельсавет Малейкаўскі Каардынаты 51°47′55″ пн. ш. 30°21′47″ у. д.HGЯO Першая згадка XVI стагоддзе Насельніцтва 105 чалавек (2004) Часавы пояс UTC+3 Тэлефонны код +375 2344 Паштовыя індэксы 247637 Аўтамабільны код 3 Катловіца Катловіца

Геаграфія

Размяшчэнне

У 10 км на ўсход ад Брагіна, 34 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 124 км ад Гомеля.

Водная сістэма

На поўдні і захадзе меліярацыйныя каналы.

Транспартная сістэма

Транспартныя сувязі па прасёлкавай, затым аўтадарозе, якая злучае Брагін з аўтадарогай Рэчыца-Лоеў.

Планіроўка складаецца з просталінейнай шыротной вуліцы, забудаванай двухбакова, драўлянымі хатамі сядзібнага тыпу.

Гісторыя

Па пісьмовых крыніцах вядомая з XVI стагоддзя, як вёска ў валоданні князя Вішнявецкага, а ва 2-й палове XVII стагоддзя — Каняцпольскіх. Пасля 2-га раздзела Рэчы Паспалітай (1793 год) у складзе Расійскай імперыі. Паводле перапісу 1897 года ў Брагінскай воласці Рэчыцкага павета Мінскай губерні. У 1931 годзе арганізаваны калгас. Паводле перапісу 1959 года ў складзе калгаса «Пераможца» (цэнтр — вёска Малейкі), быў клуб.

Насельніцтва

Колькасць

• 2004 год — 53 гаспадаркі, 105 жыхароў.

Дынаміка

• 1850 год — 19 двароў.
• 1897 год — 28 двароў, 205 жыхароў (паводле перапісу).
• 1908 год — 33 двары, 274 жыхара.
• 1930 год — 55 двароў, 322 жыхара.
• 1959 год — 519 жыхароў (паводле перапісу).
• 2004 год — 53 гаспадаркі, 105 жыхароў.
• 2006 год (01.01.2006) — 53 гаспадаркі, 101 чалавек, з якіх 1 ва ўзросце да 16 гадоў, 40 — у працаздольным і 60 — старэйшым за працаздольны.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).