Каятан Марашэўскі

Каятан Марашэўскі (лац.: Cajetanus Moraszewski; пам. 1811, Шумск^[1]) — беларускі і польскі драматург канца XVIII ст., манах-дамініканін.

Каятан Марашэўскі
Асабістыя звесткі
Дата нараджэння	невядома
Месца нараджэння	невядома
Дата смерці	1811
Месца смерці	Шумск, Віленскі павет, Літоўска-Віленская губерня, Расійская імперыя
Грамадзянства	Вялікае Княства Літоўскае
Месца працы	Забельскі дамініканскі калегіум
Прафесійная дзейнасць
Род дзейнасці	драматург, пісьменнік, манах
Жанр	драма
Мова твораў	беларуская і польская
Творы ў Вікікрыніцах
Медыяфайлы на Вікісховішчы

Прафесар рыторыкі і паэтыкі Забельскага дамініканскага калегіума (в. Валынцы, Верхнядзвінскі раён Віцебскай вобл.), дзе разам з Міхалам Цяцерскім і Ігнацыям Юрэвічам пісаў п'есы для пастаноўкі навучэнцамі.

Біяграфія

Тытульная старонка operis scholastica Каятана Марашэўскага

Тытульная старонка «Камедыі»

Тытульная старонка трагедыі «Свабода ў няволі»

Касцёл дамініканскага кляштара ў Шумскасе

Звесткі аб жыцці Каятана Марашэўскага нешматлікія. У 1787, паводле надпісу на рукапісе з п’есамі, ён выкладаў рыторыку і паэтыку ў Забелах. У 1788 быў пераведзены выкладаць у школу пры кляштары ў Аглане. На момант сваёй смерці ў 1811 быў прыёрам шумскага дамініканскага кляштара. На наступны год пасля яго смерці бібліятэка гэтага кляштара пацярпела ад пажару, што дадаткова ўскладняе пошук звестак.^[1]

Творчасць

Да нашага часу дайшлі дзве п'есы Марашэўскага: беларуска-польская «Камедыя» і польская трагедыя «Свабода ў няволі». Абодва творы захаваліся ў адным рукапісным зборніку 1787 г., які зберагаецца ў бібліятэцы АН Літвы. У «Камедыі» паказана цяжкае жыццё прыгоннага селяніна Дзёмкі, выказваецца асветніцкая думка, што шчасце залежыць не ад лёсу, а ад чалавечых учынкаў. Твор напісаны ў адпаведнасці з эстэтыкай класіцызму, аднак адчуваецца ўплыў барочных інтэрмедый, якія ўпершыню ў беларускай літаратуры сінтэзуюцца ў камедыю. Ідэі асветніцтва выявіліся ў трагедыі «Свабода ў няволі», дзе галоўны герой — рымскі палкаводзец Велізарый — вышэй асабістых інтарэсаў ставіць інтарэсы радзімы.

«Камедыя» была ўпершыню апублікаваная Уладзімірам Ператцам у 1911.

Бібліяграфія

• Камедыя // Хрэстаматыя па гісторыі беларускага тэатра і драматургіі. 2-е выд. Мн., 1997. Т. 1.

Зноскі

1. А. Ф. Брыль. Звесткі пра Каятана Марашэўскага, Міхала Цяцерскага і Ігнацыя Юрэвіча ў дакументах Дамініканскага ордэна // Роднае Слова, 4/2018. С. 3–4.