Наяда гібкая

Наяда гібкая^[1], Наяда гнуткая, Каўлі́нія гнуткая (Najas flexilis) — кветкавая падводная расліна сямейства жабнікавых.

Наяда гібкая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Жабнікавыя Род:  Наяда Від:  Наяда гібкая
Міжнародная навуковая назва
Najas flexilis (Willd.) Rostk. & W.L.E. Schmidt
Сінонімы
Caulinia flexilis Willd., 1801
Сістэматыка на Віківідах Выявы на Вікісховішчы ITIS   38996 NCBI   29650 EOL   1088949 GRIN   t:400099 IPNI   603003-1 TPL   kew-308239

Батанічнае апісанне

Паглыбленая ў ваду двухдомная, гнуткая, даволі кволая, светла-зялёная аднагадовая расліна з тонкім (менш за 1 мм у дыяметры) разгалінаваным сцяблом даўжынёй 8—40 см. Лісце лінейнае, па краях ледзь прыкметна зубчастае. Кветкі непрыкметныя, адзіночныя, у пазухах лісця. Тычынкавыя кветкі з адной тычынкай, абкружанай двухлопасцевым калякветнікам, песцікавыя — без калякветніка. Плод вузкаэліпсаідальны, касцянкападобны. Насенне жаўтаватае, бліскучае.

Арэал і экалогія

Еўразія, Паўночная Амерыка; у Беларусі знаходзіцца ў асобных лакалітэтах на паўднёва-ўсходняй мяжы арэала (выяўлена ў азёрах Лосвіда, Нешчарда, Дрывяты). Расце невялікімі групамі на глыбіні 20-60 см у азёрах з рознай ступенню трофнасці і мінералізацыі вады, пясчанымі і пясчана-галечнымі грунтамі з намулам.

Цвіце ў ліпені-жніўні, пладаносіць у жніўні-верасні. Цвіценне і апыленне адбываюцца пад вадой. Размнажэнне насеннае і вегетатыўнае.

Значэнне і выкарыстанне

Кармавая і дэкаратыўная расліна.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 86. — 160 с. — 2 350 экз.