Кета (возера)

У паняцця ёсць і іншыя значэнні, гл. Кета (значэнні).

Кета́, Хіта (руск.: Кета́^[1][2], руск.: Хита^[2]) — возера ў Краснаярскім краі Расіі, на плато Путарана, у басейне ракі Пясіна, за 80^[3] км ад горада Нарыльск.

Кета
руск.: Кета, Хита
Морфаметрыя
Вышыня над узроўнем мора	83 м
Даўжыня	94 км
Шырыня	13 км
Плошча	452 км²
Аб’ём	36 км³
Даўжыня берагавой лініі	235 км
Найбольшая глыбіня	180 м
Гідралогія
Празрыстасць	6—11 м
Басейн
Плошча вадазбору	2990 км²
Выцякаюць	Рыбная
Размяшчэнне
Краіна	Расія
Рэгіён	Краснаярскі край
Кета
Кета
Ідэнтыфікатары
ДВР	17020000111116100011345
Медыяфайлы на Вікісховішчы

Плошча паверхні возера 452 км². Даўжыня 94 км, шырыня да 13 км^[3]. Даўжыня берагавой лініі 235^[3] км. Найбольшая глыбіня 180^[3] м. Аб’ём вады каля 36^[3] км³. Плошча вадазбору 2990^[2] км². Жыўленне возера снегавое і дажджавое. Упадаюць рэкі Амдундакта, Дапту, Адынджапкі, Такінда, Эўкіт і інш. Сцёк па рацэ Рыбная (прыток ракі Нарыльская). Возера пакрытае лёдам з кастрычніка па ліпень^[3]. Катлавіна выцягнутай формы. Берагі стромкія.

Возера багатае рыбай. Водзяцца галец азёрны, палія азёрная, галец Драгіна (Salvelinus drjagini), сіг, харыус, рапушка, пелядзь, мянтуз, шчупак, акунь, падкаменшчык сібірскі, гальян і іншыя віды^[3].

Зноскі

1. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 207. — 538 с. — 100 000 экз. (руск.)
2. Государственный водный реестр РФ (руск.)
3. Измайлова А. В. Кета // Научно-популярная энциклопедия «Вода России» (руск.)