Крыварожскі жалезарудны басейн

Крыварожскі жалезарудны басейн (Крыўбас) размешчаны ў 80-100 км на захад ад ракі Дняпро, у сістэме ракі Інгулец і яе левых прытокаў - рэк Саксагань, Жоўтая і Зялёная. Радовішчы басейна выцягнутыя ў выглядзе вузкай паласы ў паўночным і паўночна-ўсходнім напрамку працягласцю больш за 100 км і шырынёю 1-2 км да 6 км (у раёне г. Крывы Рог). Паўночным працягам басейна з'яўляецца Крамянчугская магнітная анамалія. Плошча каля 300 км².

Размешчаны на тэрыторыі Днепрапятроўскай, Палтаўскай, Кіраваградскай, Запарожскай абласцей Украіны, аб'ядноўваецца ў буйную жалезарудную правінцыю, т. зв. Вялікі Крывы Рог. Запасы каля 20 млрд тон.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 493. — 10 000 экз. — ISBN 985-11-0035-8. — ISBN 985-11-0144-3 (т. 8).