Крывасмок (род раслін)

Крывасмо́к^[1][2] (Sanguisórba) — род шматгадовых травяністых карэнішчавых раслін сямейства Ружавыя (Rosaceae). Арэал роду ахоплівае амаль усе рэгіёны Паўночнага паўшар’я з умераным кліматам.

Крывасмок (род раслін)
Крывасмок лекавы (Sanguisorba officinalis) — тыпавы від рода Крывасмок. Агульны выгляд групы квітнеючых раслін.
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Rosoideae Трыба:  Sanguisorbeae Падтрыба:  Sanguisorbinae Род:  Крывасмок
Міжнародная навуковая назва
Sanguisorba
Сінонімы
Poterium
Тыпавы від
Sanguisorba officinalis L. typus — Крывасмок лекавы
Віды
Гл. тэкст
Сістэматыка на Віківідах Выявы на Вікісховішчы ITIS   25299 NCBI   57937 EOL   30021 IPNI   34019-1

У паняцця ёсць і іншыя значэнні, гл. Крывасмок.

Крывасмок лекавы (Sanguisorba officinalis) на паштовай марцы Беларусі

Назва

Лацінская назва роду паходзіць ад лац. sanguis — кроў і sorbeo — смактаць, паглынаць; беларуская назва — калька з латыні.

Батанічнае апісанне

Шматгадовыя травяністыя расліны, зрэдку кусты і паўкусты. Сцёблы прамастойныя. Лісце чаргаванае, перыстае, на чаранках. Кветкі дробныя, сабраныя ў галоўчатыя ці коласападобныя суквецці. Плод — арэшак.

Віды

Колькасць відаў — каля дваццаці (9^[3]). Некаторыя з іх:

• Sanguisorba albanica
• Sanguisorba albiflora
• Sanguisorba alpina Bunge — Крывасмок альпійскі
• Sanguisorba ancistroides
• Sanguisorba annua
• Sanguisorba canadensis
• Sanguisorba diandra
• Sanguisorba dodecandra
• Sanguisorba hakusanensis
• Sanguisorba hybrida
• Sanguisorba menziesii
• Sanguisorba minor
• Sanguisorba obtusa
• Sanguisorba occidentalis
• Sanguisorba officinalis L. typus^[4] — Крывасмок лекавы, ці Крывасмок аптэчны^[5]
• Sanguisorba tenuifolia — Крывасмок танкалісты

Гаспадарчае значэнне

Лекавыя і дэкаратыўныя расліны. Крывасмок — кармавая расліна вусеняў чарнаватай блакітніцы (Phengaris nausithous) і інш.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 117. — 160 с. — 2 350 экз.
2. Крывасмок у адпаведнасці з Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С.493.
3. Sanguisorba (англ.) // The Plant List
4. NCU-3e. Names in current use for extant plant genera. Electronic version 1.0. Entry for Sanguisorba L. (англ.) (Праверана 28 ліпеня 2010)
5. Назва Крывасмок лекавы згодна з Я. П. Шмярко, І. П. Мазан. Лекавыя расліны ў комплексным лячэнні. — Мн: Навука і тэхніка, 1989. — С. 388. — 399 с. — ISBN 5-343-00120-3.