Кюры (адзінка вымярэння)

Кюры́ (пазначэнне: Кі, Ci) — пазасістэмная адзінка вымярэння актыўнасці радыеактыўных рэчываў, роўная актыўнасці такога прэпарату, у якім адбываецца 3,7 ∙ 10¹⁰ актаў распаду за 1 с. Такім чынам,

1 Кі = 3,7 ∙ 10¹⁰ Бк

Прыблізная такая актыўнасць 1 грама ізатопа радыю ²²⁶Ra.

Ужываюцца таксама долевыя і кратныя адзінкі: мікракюры (мкКі), мілікюры (мКі), кілакюры (кКі), мегакюры (МКі). Назва — у гонар П. Кюры і М. Складоўскай-Кюры.

Гл. таксама: адзінкі радыеактыўнасці.

Літаратура

• Беларуская Савецкая Энцыклапедыя. У 12 т. Т. 6. Кішынёў — Манцэвічы / Рэдкал.: П. У. Броўка (гал. рэд.) і інш. — Мн.: БелСЭ, 1972. — 624 с.: іл., карты. С. 230.
• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). C. 77.