Ладасна (возера)

У паняцця ёсць і іншыя значэнні, гл. Ладасна.

Ла́дасна^[1][2] — возера ў Лепельскім раёне Віцебскай вобласці Беларусі ў басейне ракі Ладасна (прыток ракі Бельская, басейн Заходняй Дзвіны), за 18 км у напрамку на паўночны ўсход ад горада Лепель, каля вёсак Мягелі і Курмялёўка.

Ладасна
Морфаметрыя
Вышыня над узроўнем мора	134,7 м
Даўжыня	1,97 км
Шырыня	0,47 км
Плошча	0,561 км²
Аб’ём	0,00345 км³
Даўжыня берагавой лініі	4,71 км
Найбольшая глыбіня	13,7 м
Сярэдняя глыбіня	5,6 м
Гідралогія
Салёнасць	0,27—0,295 ‰
Празрыстасць	2,2 м
Басейн
Плошча вадазбору	ручаі, каналы км²
Упадаюць	рака Ладасна
Размяшчэнне
Краіна	Беларусь
Рэгіён	Віцебская вобласць
Ладасна
Ладасна

Плошча паверхні возера 0,561^[3] (0,61^[1][2]) км². Даўжыня 1,97 км, найбольшая шырыня 0,47 км, даўжыня берагавой лініі 4,71 км. Найбольшая глыбіня возера дасягае 13,7 м, сярэдняя каля 5,6 м. Аб’ём вады 3,45 млн м°. Плошча вадазбору 41 км³.
Катлавіна Ладасна лагчыннага тыпу, выцягнутая ў напрамку з поўначы на поўдзень. Схілы катлавіны маюць вышыню 5—8 м. Берагавая лінія слабазвілістая. Берагі пясчаныя, вышынёй 0,3—0,7 м. Мелкаводдзе вузкае і стромкае, у паўночнай і паўднёвай частках возера пашыраецца. Ложа возера амаль плоскае, выслана гліністым ілам. Глыбіня павялічваецца да сярэдзіны возера. Глыбіні да 2 м займаюць каля 15 % плошчы возера.
Возера эўтрофнае. Прыбярэжная расліннасць пашыраецца на адлегласці да 60 м ад берага возера і да глыбіні 2 м. У Ладасна ўпадаюць меліярацыйныя каналы і ручаі, у т.л. ручай з возера Кабак. Праз сетку каналаў возера злучана з возерам Неграза. У паўночнай частцы выцякае рака Ладасна.

У возеры водзяцца шчупак звычайны, акунь, плотка, гусцяра, краснапёрка, лінь, мянтуз і іншыя віды рыб.