Ладымер

Ла́дымер^[1] (трансліт.: Ladymier) — вёска ў Пухавіцкім раёне Мінскай вобласці. Уваходзіць у склад Шацкага сельсавета.

Вёска Ладымер Краіна Беларусь Вобласць Мінская Раён Пухавіцкі Сельсавет Шацкі Каардынаты 53°17′31″ пн. ш. 27°49′54″ у. д.HGЯO Насельніцтва ▼1 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244890030 Ладымер Ладымер

Гісторыя

План урочышча Ладамір (Ладымер), вымежаванага з лясной дачы Парэчча правадзейнага стацкага саветніка Уладзіміра Лукіча Азмібава, прададзенага сялянам Міхаілу Беламу, Адаму, Фларыяну і Амвросію Арцюшэўскім, Францу Аксіневічу і Алене Пітрэвіч пры дапамозе сялянскага пазямельнага банка, 1897 г.

Паселішча вядома з канца XIX стагоддзя як урочышча Ладамір у Амяльнянскай воласці Ігуменскага павета Мінскай губерні. Паводле перапісу 1917 года хутар.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. Жыхары Амяльнянскай воласці накіроўвалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[2]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. З 20 жніўня 1924 года ў Кнорынскім сельсавеце, з 1939 года ў Варашылаўскім сельсавеце. У 1930-я гады праведзена прымусовая калектывізацыя, некаторыя сяляне былі рэпрэсаваныя^[3][4].

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.Да 29 чэрвеня 2006 года вёска ўваходзіла ў склад Селецкага сельсавета^[5]. З 2006 года па 28 мая 2013 года ў складзе Вецярэвіцкага сельсавета^[6].

Насельніцтва

• 1897 год — 2 двары, 14 жыхароў
• 1908 год — 9 двароў, 37 жыхароў^[7]
• 1917 год — 10 двароў, 65 жыхароў, усе беларусы^[8]
• 1960 год — 82 жыхары
• 2002 год — 2 двары, 4 жыхары
• 2009 год — 3 жыхары^[9]
• 2019 год — 1 жыхар^[10]